سٹون کولڈ ریالٹی شوز کے میزبان بن گئے

لاہور (اُردو پوائنٹ اخبارتازہ ترین - آن لائن۔ 28 جنوری2017ء) پروفیشنل ریسلنگ کی جب بھی بات ہوتی ہے تو جن پہلوانوں کا نام ہمارے ذہن میں آتاہے، ان میں سٹون کولڈ کا نام سرفہرست ہے۔ سٹون کولڈ کا شمار ورلڈ ریسلنگ انٹرٹینمنٹ (ڈبلیو ڈبلیو ای) کے معروف پہلوانوں میں ہوتا ہے جنہوں نے خوب دولت اور شہرت سمیٹی۔ سٹون کولڈ نے 6 مرتبہ چیمپئن بننے کا اعزاز حاصل کیا تھا۔

(جاری ہے)

انجریز کی وجہ سے 2003ئ میں سٹون کولڈ نے ریسلنگ کو خیر باد کہہ دیا تھا۔ تاہم ایک دہائی ہونے کے باوجود پہلوانی کے شوقین افراد انھیں نہیں بھولے۔ ریٹائرمنٹ کے بعد سٹون کولڈ نے فلموں میں قسمت آزمائی کی اور 2005ئ میں دی لونگسٹ یارڈ میں اداکاری کی۔ اس کے بعد انہوں نے 2007ئ میں آنے والی فلم کنڈمنڈ میں اہم رول ادا کیا۔ اس کے بعد سے سٹون کولڈ بہت سی فلموں میں اداکاری کے جوہر دکھا چکے ہیں۔ ان میں سے 2010ئ میں آنے والی بلاک بسٹر فلم دی ایکسپینڈبل اور 2013ئ میں آنیوالی فلم گرون اپس قابل ذکر ہیں۔