سری لنکن ٹیم آسٹریلیا کے خلاف ٹی 20 سیریز میں اینجلو میتھیوز کے بغیر میدان میں اترے گی

پیر 6 فروری 2017 12:48

کولمبو ۔ (اُردو پوائنٹ اخبارتازہ ترین - اے پی پی۔ 06 فروری2017ء) سری لنکا کرکٹ ٹیم کے کپتان اینجلو میتھیوز ٹخنے کی تکلیف سے نجات حاصل کرنے میں ناکام رہے اور انہیں آسٹریلیا کے خلاف ٹی 20 سیریز سے باہر ہونا پڑا۔

(جاری ہے)

سری لنکا کرکٹ بورڈ نے اس بات کی تصدیق کر دی ہے کہ وہ آسٹریلیا کے خلاف ٹی 20 سیریز نہیں کھیل سکیں گے، میتھیوز جنوبی افریقہ کے خلاف تیسرے اور فیصلہ کن ٹی 20 میں میچ وننگ پرفارمنس پیش کرنے کے دوران ٹخنے کی تکلیف میں مبتلا ہوگئے تھے اور انہیں ون ڈے سیریز سے باہر ہونا پڑا۔ بورڈ کا کہنا ہے کہ میتھیوز کی جگہ قائم مقام کپتان کا اعلان (آج) منگل کو کیا جائے گا۔ واضح رہے کہ سری لنکن ٹیم رواں ماہ آسٹریلیا سے تین ٹی 20 میچز کی سیریز کھیلے گی۔

وقت اشاعت : 06/02/2017 - 12:48:42

Facebook Twitter Reddit Pinterest Whatsapp

سری لنکن ٹیم آسٹریلیا کے خلاف ٹی 20 سیریز میں اینجلو میتھیوز کے بغیر میدان میں اترے گی

Browse Cricket

Browse Sports

Sports News In Urdu

Famous Sports Players