ہانگ کانگ ٹی 20بلٹز، ڈیوائن اسمتھ نی31 گیندوں پر سنچری داغ دی

وکٹوریہ سٹی (اُردو پوائنٹ اخبارتازہ ترین - آئی این پی۔ 09 مارچ2017ء) ہانگ کانگ ٹی 20بلٹز میں ڈیوائن اسمتھ نے صرف31 گیندوں پر سنچری بنادی۔ہانگ کانگ ٹوئنٹی 20 بلٹز میں ڈیوائن اسمتھ نے صرف 31 گیندوں پر سنچری داغ کر کولون کینٹونز کو سٹی کیٹک کے خلاف 8 وکٹ سے فتح دلادی۔ انہوں نے یہ کارنامہ 13 چھکوں اور 7 چوکوں کی مدد سے انجام دیا اور مجموعی طورپر 40 گیندوں پر ناقابل شکست 121 رنز بنانے میں کامیاب ہوئے۔

(جاری ہے)

دوسرے میچ میں ڈیرن سیمی اورجیمز فرینکلن نے ہنگہوم جیگوارزکو گلیکسی گلیڈی ایٹرز لانتاؤ کے خلاف ڈی ایل میتھیڈ کے تحت 27 رنز سے کامیابی دلائی، فرینکلن 58 اور سیمی 52 رنز پر ناٹ آؤٹ رہے۔ واضح رہے اس سے قبل تیز ترین سنچری بنانے کا اعزاز جنوبی افریقہ کے بیٹسمین اے بی ڈی ویلیئرز کے پاس ہے انہوں نے جوہانسبرگ میں ویسٹ انڈیز کیخلاف کھیلے جانے والے ایک روزہ میچ میں 31 گیندوں پر104 رنزبنا کر ریکارڈ قائم کیا تھا۔