فریال مخدوم خاندان کی سب سے زیادہ ذہین فرد اور بہترین بیوی ہیں

پاکستانی نژاد برطانوی باکسر عامر خان ایک بار پھر اپنی اہلیہ کی حمایت میں سامنے آگئے

ہفتہ 25 مارچ 2017 15:20

لندن(اُردو پوائنٹ اخبارتازہ ترین - آن لائن۔ 25 مارچ2017ء) پاکستانی نژاد برطانوی باکسر عامر خان ایک بار پھر اپنی اہلیہ کی حمایت میں سامنے آگئے،انہوں نے فریال مخدوم کو اپنے خاندان کی سب سے ذہین فرد قرار دے دیا۔لوگوں نے دوریاں پیدا کرنے کی بہت کوشش کی، لیکن باکسر نے مخالفین کو ایک بار پھر ناک آئوٹ کر دیا ،عامر خان نے اپنی بیوی کی تعریفوں کے پل باندھ دیئے، انہوں نے اپنے خاندان میں صرف اپنی بیوی کو سب سے زیادہ ذہین اور سمجھدار قرار دے دیا۔

(جاری ہے)

اس سے پہلے عامر کے والد نیاپنی بہو کو شہرت کی بھوکی قرار دیا تھا۔برطانوی میڈیا کو انٹرویو دیتے ہوئے سابق ورلڈ باکسنگ چیمپئن عامر خان نے کاروباری معاملات سے اپنے والد ،دوست اور ایک قریبی عزیز کو الگ کرنے سے متعلق کھل کر بات کیں، اور کہا کہ وہ اپنے والدین کے لئے جو کر سکتے تھے وہ کیا،انہوں نے اب بھی ان کا ساتھ نہیں چھوڑامگر اب وہ اپنی فیملی کی دیکھ بھال کر رہے ہیں۔انہوں نے فریال مخدوم کو بہترین بیوی قرار دیتے ہوئے کہا کہ وہ ان کے تمام کاروباری معاملات ان کی بیوی بخوبی سنبھال رہی ہے۔
وقت اشاعت : 25/03/2017 - 15:20:17

مزید متعلقہ خبریں پڑھئیے‎ :

متعلقہ عنوان :