پولارڈ، سنجے منجریکر کی جانب سے ’احمق‘ قرار دیے جانے پر بھڑک اٹھے

منگل 11 اپریل 2017 15:29

پولارڈ، سنجے منجریکر کی جانب سے ’احمق‘ قرار دیے جانے پر بھڑک اٹھے
ممبئی(اُردو پوائنٹ اخبارتازہ ترین - آئی این پی۔ 11 اپریل2017ء) آئی پی ایل کی ٹیم ممبئی انڈینز کے آل راؤنڈر کیرون پولارڈ سابق کرکٹر اور کمنٹیٹر سنجے منجریکر کی جانب سے ’احمق‘ قرار دیے جانے پربھڑک اٹھے۔کولکتہ نائٹ رائیڈرز سے میچ میں پولارڈ اس وقت 16رنز پر آئوٹ ہوئے جب ممبئی کو آخری 24 گیندوں پر کامیابی کیلئے 64 رنز درکار تھے۔

(جاری ہے)

جیسے ہی انھیں انگلش آل راؤنڈر کرس ووکس نے پویلین بھیجا، کمنٹری کرنے والے منجریکر نے کہا کہ ’’ پولارڈ کے پاس اننگز کے آغاز میں کھیلنے والا دماغ ہی نہیں ہے‘‘۔

ان ریمارکس کا جواب پولارڈ نے ٹویٹر پر دیتے ہوئے کہا کہ ’’ سنجے منجریکر آپ کو بولنے کیلئے رقم ملتی ہے اس لیے جو مرضی آئے منہ سے ’اگلنے‘ کا سلسلہ جاری رکھیں‘‘۔ پولارڈ کے ہموطن ٹینو بیسٹ نے بھی ٹویٹرپر ہی سنجے منجریکر کو ان ریمارکس پر تنقید کا نشانہ بنایا۔
وقت اشاعت : 11/04/2017 - 15:29:40