اذلان شاہ ہاکی ٹورنامنٹ آج سے شروع
Azlan Shah Hockey Tournament Starts Today
پاکستانی ٹیم کا ایک بار پھر کڑا امتحان‘ سینئرز کے پاس آخری موقع بھارت ‘آسٹریلیا5‘5جبکہ پاکستان 3بار چیمپئن بنا ‘8 سال سے فتح قومی ٹیم سے دور
جمعرات 5 مئی 2011
(جاری ہے)
پاکستان ہاکی فیڈریشن نے سینئر کھلاڑی کو پہلے ہی سے کہہ دیا ہے کہ بری کارکردگی پیش کرنے والوں کو ٹیم سے نکال دیا جائیگا لہذا سینئر ز کے پاس یہ آخری موقع ہے کہ وہ اگر اچھی کارکردگی کا مظاہرہ کرنے میں کامیاب ہوئے تو ٹیم کا حصہ ہونگے ورنہ ممکن ہے کہ اگلے ایونٹ میں ان سے نجات حاصل کرلی جائے۔
گزشتہ سال ہونیوالے اذلان شاہ ٹورنامنٹ میں پاکستان نے پانچویں پوزیشن حاصل کی تھی اور اس بار بھی قومی ٹیم کی جیت کے زیادہ چانس نہیں ہیں کیونکہ نوجوان کھلاڑیوں کی موجودگی میں پاکستان کو آسٹریلیا ، بھارت ، کوریا اور ملائیشیا کو ہرانے سخت محنت کرنا ہوگی۔ آج سے شروع ہونیوالا یہ روایتی ہاکی ایونٹ تاریخ کا 20واں ٹورنامنٹ ہے۔ قارئین کی دلچسپی کیلئے اذلان شاہ کپ کا تاریخی جائزہ پیش خدمت ہے ۔اب تک آسٹریلیا اور بھارت نے سب سے زیادہ پانچ پانچ بار اذلان شاہ کپ جیتا جبکہ پاکستان تین بار فاتح رہا اور سب سے زیادہ پانچ مرتبہ رنر اپ رہنے کا اعزاز بھی پاکستانی ٹیم کے پاس ہے۔اذلان شاہ کا سب سے پہلا ٹورنامنٹ 1983ء میں کھیلا گیا جہاں آسٹریلوی ٹیم نے پاکستان کے خلاف فائنل جیت کرافتتاحی اذلان شاہ ٹورنامنٹ جیتے کااعزاز حاصل کیا ۔دوسال بعد ہونیوالے دوسرے ایونٹ میں بھارت نے میزبان ملائیشیا کو شکست دیکر ٹائٹل اپنے نام کیا جبکہ پاکستانی ٹیم تیسری پوزیشن حاصل کرنے میں کامیاب رہی۔1987ء میں کھیلے گئے تیسرے اذلان شاہ کپ میں بھی پاکستانی ٹیم نے عمدہ پرفارمنس دی تاہم ایک بار پھر پاکستانی ٹیم فاتح بننے میں ناکام رہی اور جرمنی کے خلاف فائنل میں شکست کھاگئی یہاں تیسری پوزیشن برطانیہ کے حصے میں آئی۔چار سال بعد کھیلے گئے چوتھے ٹائٹل میں بھی پاکستانی ٹیم رنر اپ رہی اس بار بھارت نے ٹورنامنٹ میں کامیابی حاصل کی اورتین سال بعد ہونیوالے پانچویں اذلان شاہ کپ میں پاکستانی ٹیم مسلسل تیسری بار فائنل میں پہنچ کر ہمت ہار گئی جہاں فائنل میں قومی ٹیم کو انگلینڈ کے ہاتھوں شکست کا سامنا کرناپڑا۔1995ء میں کھیلے گئے چھٹے اذلان شاہ کپ میں بھارت نے جرمنی کو شکست دیکر ٹائٹل جیتاجبکہ1996میں جنوبی کوریا نے آسٹریلیا کو تاریخی شکست دیکرٹرافی اپنے نام کی۔1998ء کے آٹھویں اذلان شاہ کپ میں شائقین کو شاندار مقابلے دیکھنے کو ملے فائنل میں آسٹریلیا نے جرمنی کو شکست دیکر ٹرافی پر قبضہ جمایا ، اس کامیاب ایونٹ کے بعد منتظمین نے ہرسال اذلان شاہ کپ منعقدکرانے کافیصلہ کیا اور اگلے برس 1999ء میں کھیلے گئے نویں سلطان اذلان شاہ کپ میں پاکستان نے جنوبی کوریا کو شکست دیکر فائنل میں کامیابی حاصل کی اور اس سے اگلے سال2000ء بھی ایک بار پھر پاکستان نے کوریا کو ہراکر لگاتار دوسرا اذلان شاہ کپ جیتا۔11ویں اذلان شاہ کپ ہاکی ٹورنامنٹ میں پاکستانی ٹیم اپنے اعزاز کا دفاع کرنے میں کامیاب نہ ہوسکی ،جرمنی نے ٹورنامنٹ میں فتح حاصل،مسلسل تیسری بار کوریا رنر اپ رہا یہاں پاکستانی ٹیم کے حصے میں چوتھی پوزیشن آئی ،تاہم 12ویں اذلان شاہ کپ میں ایک بار پھر پاکستانی ٹیم نے شاندار کھیل پیش کیا اور دفاعی چیمپئن جرمنی کو شکست دیکر مجموعی طور پر تیسرا اذلان شاہ کپ جیتا لیکن ایک بار پھر 2004ء میں کھیلے گئے 13ویں اذلان شاہ کپ میں دفاعی چیمپئن پاکستان آسٹریلیا کے خلاف اپنے اعزاز میں ناکام ہوگیا اور فائنل میں آسٹریلیا نے کامیابی حاصل کرکے ٹائٹل اپنے نام کیا۔2005میں کھیلے گئے 14ویں ٹورنامنٹ میں آسٹریلیا نے جنوبی کوریا کے خلاف اپنے اعزاز کا کا میاب دفاع کیا یہاں پاکستانی ٹیم نے تیسری پوزیشن حاصل کی۔ یہ آخری ٹورنامنٹ تھا جہاں پاکستانی ٹیم نے پہلی چار ٹیموں میں جگہ حاصل کی ،اس کے بعد کھیلے گئے دو ٹورنامنٹ میں فائنل جیتناتو درکنار قومی ٹیم چوتھی پوزیشن تک رسائی حاصل کرنے میں بھی ناکام رہی۔15ویں اذلان شاہ کپ میں ہالینڈ نے دفاعی چیمپئن آسٹریلیا کو شکست دی اورجبکہ2007ء میں ہونیوالے 16ویں اذلان شاہ ٹورنامنٹ میں آسٹریلیا نے میزبان ملائیشیا کو شکست دیکر ٹائٹل اپنے نام کیا جبکہ پاکستانی ٹیم پانچویں پوزیشن کے میچ بھی ارجنٹائن کے خلاف4-2سے شکست کھا گئی۔2008ء میں کھیلے گئے 17ویں اذلان شاہ کپ میں پاکستانی ٹیم نے بھر پورتیاری کیساتھ شرکت کی لیکن گول کیپر سلمان اکبر کی ناقص کارکردگی کی وجہ سے پاکستان عمدہ آغاز کے باوجود وکٹری سٹینڈ تک رسائی حاصل کرنے سے محروم رہا ۔غیر متوقع طور پر ارجنٹائن نے فائنل میں بھارت کو ہراکر پہلی باراذلان شاہ کپ جیتا حالانکہ اس سے قبل ارجنٹائن کی ٹیم کبھی بھی پانچویں پوزیشن سے آگے نہ بڑھ پائی تھی لیکن مذکورہ ایونٹ میں براعظم جنوبی امریکہ کی ٹیم نے تاریخی اپ سیٹ کرتے ہوئے فتح سمیٹی ۔2009ء کے اذلان شاہ کپ میں ایک بار پھر قومی ٹیم بری طرح ناکام رہی اور پاکستان کو لگاتار دوسرے سال چوتھی پوزیشن پر اکتفا کرنا پڑاجبکہ بھارتی ٹیم ٹائٹل جیتنے میں کامیاب رہی۔ گزشتہ سال ہونیوالے اذلان شاہ کپ میں قومی ٹیم چوتھی پوزیشن سے بھی محروم ہوگئی ہے اور طویل عرصہ بعد پانچویں پوزیشن پاکستان کے حصہ میں آئی جبکہ ٹورنامنٹ کے فائنل میں شدید بارش کی وجہ سے انتظامیہ نے جنوبی کوریا اور بھارت کو مشترکہ چیمپئن قرار دیدیا۔مزید مضامین :
ایک روزہ کرکٹ عالمی کپ2023 ء کی اہم خبریں اور ریکارڈز( آخری حصہ)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ2)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ1)
آسٹریلین اوپنر# ہیڈآن۔۔ٹریوس ہیڈ
"واریئر کپتان" کمنز # آسٹریلیا نے ورلڈ کپ جیت لیا
ڈیوڈ مِلر ## جنوبی افریقہ کے ﴾ " مِلر دِی کِلر" ﴿
گولڈن ہاک #ویرات کوہلی#کی گولڈن نوکس
گلین میکسویل کے بیٹ کی " میوزیکل ٹون" ۔۔"ویلڈن"
" فیبولیس فخر" | فخر پر" فخر" | "کرشنگ دِی بیٹ"
ورلڈ ٹیپ بال کرکٹ کونسل کا آغاز
گیبریلا سبا ٹینی ۔ ۔ ثانیہ مرزا | ٹینس میں اپنی پہچان
سر اینڈی مرے | برطانیہ کے نامور ٹینس کھلاڑی
مائیکل چانگ اور نومی اوساکا | ٹینس کے انفرادی کھلاڑی
سٹیفن ایڈبرگ اور میٹس وِلنڈر | سویڈن کے 2 اہم ٹینس کھلاڑی
ماریاشراپووا۔۔روس کی ''سکریمنگ سنڈریلا''۔۔ٹینس کھلاڑی
وینس ولیمز ۔۔امریکن ٹینس کھلاڑی
أنس جبیر۔افریقن عرب مسلمان ٹینس کھلاڑی "منسٹر آف ہپی نیس"
بورس بیکر۔جرمن ٹینس چیمپئین | منفرد کھیل کے انداز کا مالک
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
آئی پی ایل، دہلی کیپٹلز نے گجرات ٹائٹنز کو 4 وکٹوں سے ہرا دیا
-
نیوزی لینڈ کے خلاف ٹی 20 سیریز میں اچھی کارکردگی کا مظاہرہ کریں گے ، بابر اعظم
-
پاکستان اور نیوزی لینڈ کے درمیان ٹی 20 سیریز کی ٹرافی کی رونمائی کر دی گئی
-
راولپنڈی کرکٹ سٹیڈیم میں پاکستان نیوزی لینڈ کرکٹ میچز کے حوالے سے راولپنڈی پولیس کے فول پروف سکیورٹی انتظامات
-
کمشنر لاہور کی زیر صدارت پاک نیوزی لینڈ ٹی ٹونٹی میچز کی سکیورٹی و انتظامات کے حوالے سے اجلاس
-
سوشل میڈیا پر میرا کوئی اکائونٹ نہیں، سابق کرکٹر سعید انور