" دِی وائپر۔دِی لیجنڈ کِلر" ریسلر رینڈی اورٹن

The Viper The Legend Killer

2017ء کا رائل رمبل اور رسل مینیا 33جیتنے والے اور " دِی وائپر اور دِی لیجنڈ کِلر " کے کردار سے مشہور ہو نے والے ریسلر رینڈی اورٹن نے 25ِاپریل 2017ء کو ٹویٹ کیا کہ 15سال پہلے اُس نے اس تاریخ کو ڈبلیو ڈبلیو ای کے اہم ایونٹ سے اس ادارے میں ریسلنگ کا ڈبیو کیا تھا ۔

Arif Jameel عارف‌جمیل پیر مئی

The Viper The Legend Killer
2017ء کا رائل رمبل اور رسل مینیا 33جیتنے والے اور " دِی وائپر اور دِی لیجنڈ کِلر " کے کردار سے مشہور ہو نے والے ریسلر رینڈی اورٹن نے 25ِاپریل 2017ء کو ٹویٹ کیا کہ 15سال پہلے اُس نے اس تاریخ کو ڈبلیو ڈبلیو ای کے اہم ایونٹ سے اس ادارے میں ریسلنگ کا ڈبیو کیا تھا ۔
رینڈل کیتھ اورٹن ریسلنگ کی دُنیا میں" رینڈی اورٹن" کے نام سے جانا جاتا ہے۔

وہ یکم اپریل1980ء کو امریکہ کی ریاست ٹینیسی کیے شہر ناکسویل میں ریسلرز کے خاندان میں پیدا ہوا۔ اسکے دادا بوب اورٹن اور والد کاؤ بوائے اورٹن جونیئر اپنے دور کے معروف ریسلرز تھے۔ 2005ء میں کاؤبوائے اورٹن کو ڈبلیو ڈبلیو ای کا ہال آف فیم کا اعزاز بھی دیا گیا تھا ۔
رینڈی اورٹن کا ماں کی محبت اور کچن کے ماحول میں کھیلتے ہوئے بچپن کا آغاز ہوا۔

(جاری ہے)

لیکن تعلیم کے دوران والد کے ریسلنگ کے مقابلے دیکھ کر ذہنی طور پر اُنکی طرف جھکاؤ ہو گیا۔والدین نے رینڈی اورٹن کو اس کھیل سے دُور رہنے کیلئے کہا ۔ لیکن شاید اُس نے فیصلہ کر لیا ہوا تھا کہ وہ والد کی طرح طاقت کا مظاہرہ ہی کرے گا ۔لہذا ہزیل وُڈ سینٹرل ہائی اسکول میں اپنا ریسلنگ کا شوق پورا کرنا شروع کر دیا ۔
1998ء میں اپنی گریجوایشن مکمل کرنے کے بعدامریکن نیوی میں شمولیت اختیار کی لیکن دو دفعہ بغیر عرضی کے چُھٹی کرنے اور اپنے کمانڈنگ افسر کی حُکم عدولی کرنے پر 1999ء میں کورٹ مارشل کا سامنا کرنا پڑا اور سزا کے طور پر38دِن کمپ پنڈلٹون فوجی جیل میں کاٹنے پڑے۔


رینڈی اورٹن اصل میں پیدا ہی ڈبلیو ڈبلیو ای میں پیشہ وارانہ ریسلنگ کیلئے ہوا تھا لہذا چند ماہ اُس نے اپنے والدین کی خواہش کے احترام میں ریسلنگ سے دُور رہنے کی کوشش کی لیکن جونہی موقع ملا اُس نے2000ء۔2001ء میں ریسلنگ کی باقاعدہ تربیت اور مقابلوں کی ابتداء کیلئے سینٹ لوئس میسوری کے مڈ میسوری ر یسلنگ ایسوسی ایشن سدرن الینوائے سے تعلق قائم کر لیا ۔

وہاں دوسرے تربیت دینے والوں کے ساتھ اُسکے والد نے بھی اُسکی تربیت شروع کی اور ادارے سے تعلق رکھنے والے چند اہم ریسلرز سے ریسلنگ کے مقابلے بھی کیئے۔اس دوران کچھ مدت ڈبلیو او ڈبلیو جہاں اُسکے انکل بیری اورٹن ملازم تھے ریفری کی خدمات بھی انجام دیں۔
دُنیا کا بڑا ریسلر بننے کی خواہش ہو اور ڈبلیو ڈبلیو ای ہدف نہ ہو اور وہ بھی امریکن ریسلر کا یہ تو ہو ہی نہیں سکتا۔

رینڈی اورٹن بھی اُن میں سے ہی تھا۔ لہذا 2001ء میں اُس وقت کی ڈبلیو ڈبلیو ایف بعدازاں ڈبلیو ڈبلیو ای میں شامل ہو کر اُس دارے کے مطابق اوہائیو ویلی ریسلنگ لوئس ویل کینٹکی میں جاکر تربیت حاصل کرنا جاری رکھی ۔ وہاں پر ریسلر ریکو کونسٹان ٹینو ، جان سینا اور ٹیگ ٹیم میں شامل ہو کر مختلف نمائشی مقابلوں میں زور آزمائی بھی کی ۔جسکے بعدریسل مینیا 18کے منعقد ہونے سے ایک دِن پہلے ایونٹ سے متعلقہ ایک پروگرام ڈبلیو ڈبلیو ایف فین ایکسس میں ریسلر ٹومی ڈریمر کے مد ِمقابل ہو ا اور شکست کھا گیا۔


اگلے ماہ اُسکی قسمت نے دستک دی اور 25ِ ِاپریل 2015ء کو وہ پہلی دفعہ سمیک ڈاؤن برانڈ کے زیر ِسایہ ٹی وی پر نشری مقابلے میں ریسلر ہارڈ کور ہولی کو شکست دے کر نمایاں ریسلر کی فہرست میں شامل ہو گیا۔ رینڈی اورٹن کو اگلی بڑی کامیابی ستمبر2002ء میں رَا برانڈ کی طرف سے ریسلنگ مقابلے میں حصہ لیتے ہوئے ریسلر سٹیو رچرڈ کو ہارا کر ملی ۔لیکن وہ جانتا تھا کہ ابھی کامیابیوں کی کنجیاں بڑے ریسلروں کو شکست دینے میں مُضمر ہیں۔


ڈبلیو ڈبلیو ای رَا برانڈ سے منسلک ہونے کے چند ہفتوں بعد 14 ِاکتوبر2002ء کو رینڈی اورٹن نے مونٹریل کینیڈا میں رَا کے رِنگ میں آکر اپنے مداحوں کو بتایا کہ اُس کو کندھے کی انجیر ی ہو گئی ہے لہذا ڈاکٹرز کی ہدایت کے مطابق وہ چند ماہ ریسلنگ سے دُور رہے گا۔ جس پر پر وہاں پر بیٹھے ہوئے شائقین نے اخلاقی طور پر اُسکے حق میں" ناہ ناہ ناہ ناہ ہیے ہیے ہیے ہیے گُڈ بائے" کے نعرے لگائے اور پھر 20ِجنوری2003ء میں وہ ایک دفعہ پھر ریسلر سکاٹ سٹینر کے مد ِمقابل تھا۔


رینڈی اورٹن کا انجیری کے بعد کامیابیوں کا سلسلہ اُس وقت باقاعدہ طور پر شروع ہو اجب ٹریپل ایچ ،رِک فلئیر نے رینڈی اورٹن اور ایک اور نئے اُبھرتے ہوئے ریسلر باٹیسٹا کے ساتھ مِل کر "ایوولوشن اسٹیبل" کے نام سے ریسلنگ گروپ بنایا۔جس کے بعد اُن ریسلرز نے اگلے چند سال میں ڈبلیو ڈبلیو ای کے بڑے مقابلوں میں کامیابیاں حاصل کر کے رَا کے تقریباً سب ٹائٹل حاصل کر لیئے۔

اور اس ہی د وران رینڈی اورٹن نے ریسلنگ مقابلوں مین ٹریپل ایچ کی طرفداری میں بھی خاصہ وقت گز ارہ۔
رینڈی اورٹن کا اپنی مقبولیت میں اضافہ کیلئے اگلا اہم قدم تھا " دِی لیجنڈ کِلر" کا کردار ۔مقصد تھا لیجنڈ ریسلرز کو شکست دے کر بڑے ریسلرز میں شمار ہو نا۔اس میں اُسکو کامیابی ہوئی اور ریسلر شان مائیکل جیسے لیجنڈ کو بھی ہارا دیا اور لیجنڈ بمقابلہ لیجنڈ کِلر کے چیلنج پر ریسلر مِک فولے کو بھی شکست دے کر "انٹر کونٹی نینٹل چیمپئین شپ" اپنے نام کر لی۔


7 ماہ بعد ریسلر ایج نے اُس سے یہ ٹائٹل تو ہارا کر واپس لے لیا لیکن رینڈی اورٹن نے20ریسلرز کی بیٹل رائل میں کامیابی حاصل کر کے سمر سلام کے ایونٹ میں بیلٹ کیلئے رسائی حاصل کر لی۔ جہاں پر اُس نے15ِ اگست2004ء کو مشہور ِزمانہ آنجہانی ریسلر کرس بینواکو بچھاڑ کر ڈبلیو ڈبلیو ای کے 24سال کے سب سے کم عمرورلڈ ہیوی ویٹ چیمپئین بننے کا اعزاز حاصل کر لیا۔

شاید ٹریپل ایچ اور باٹیسٹا کو برداشت نہ ہوا لہذا اُن دونوں نے رینڈی پر حملہ کر دیا اور مار مار کر اُسکا بُرا حشر کر دیا۔لیکن وہ نہیں جانتے تھے کہ اب رینڈی اورٹن "دِی وائپر "کے روپ میں رِنگ میں جلوہ گیر ہوا کرے گا۔
بہرحال اس اعزاز کے بعد "آر کے او " اور" جپمینگ کٹر "داؤ سے اپنے مخالف کو شکست دینے والے رینڈی اورٹن کی کامیابیوں اور ناکامیوں کا ایک نیا دور شروع ہو ا۔

جسکا سلسلہ ابھی تک جاری ہے اور ٹریپل ایچ،جان سینا، با ٹیسٹا، سیتھ رولنز، رومن رینزاور برے وائٹ جیسے بڑے ریسلرز کو سنگل و ٹیگ مقابلوں میں شکست دے کر 13دفعہ ورلڈ چیمپئین بن چکا ہے۔ (جس میں ڈبلیو ڈبلیو ای چیمپئین شب 9دفعہ اور ڈبلیو ڈبلیو ای ورلڈ ہیوی ویٹ چیمپئین شپ4مرتبہ جیتی ہے)۔ ساتھ میں دو دفعہ ٹیگ ٹیم چیمپئین شپ اور ایک دفعہ انٹر کونٹی نینٹل چیمپئین رہ چکا ہے۔

رینڈی اورٹن2دفعہ رائل رمبل ،ایک دفعہ منی اِن دی بنک لیڈار اورایک دفعہ17ویں ٹریپل کراؤن چیمپئین شب بھی جیت چکا ہے۔اُسکے بازؤں پر بنے ہوئے ٹیٹو اور پھر مقابلہ جیتنے کے بعد خوشی سے اپنے بازؤں کو طاقت ور ہونے کے انداز سے اُٹھا کر اُوپر کرنا اُسکے مداحوں کیلئے پسندیدہ اسٹائل ہے۔
2017ء میں رائل رمبل اور ریسل مینیا33 کا فاتح بھی رینڈی اورٹن رہا۔

بلکہ ریسل مینیا میں جب اُس کا مقابلہ ریسلر برے وائٹ سے ٹھیرا تو مقابلے سے چند روز پہلے اُسکی ایک ویڈیو سوشل میڈیا پر وائر ہوئی جس میں اُسکو برے وائٹ کا گھر جلاتے ہوئے دِکھایا گیا تھا۔
ایک یاد گار مقابلہ:
جنوری2007ء میں رینڈی اور ٹن اور ایج کی ٹیگ ٹیم کا ٹریپل ایچ اور شان مائیکل کی ٹیگ ٹیم کے درمیان ایک وہ بہت خونریز یادگار بلا نتیجہ ختم ہونے والا مقابلہ ہوا جس میں رینڈی اور ٹن اور ٹریپل ایچ کو شدید چوٹوں کے باعث وہاں پر موجود میڈیکل ٹیم کو اُٹھا کر باہر لیجانا پڑا۔


خاندان:
رینڈی اورٹن کے والدکاؤبوائے اورٹن نے کرسچین ہسپتال این ای ریاست میسوری کی نرس ایلین سے شادی کی اور اُنکے ہاں رینڈی کے بعد ایک بیٹا نیتھن اور ایک بیٹی رِبیکا پیدا ہوئی۔ رینڈی اورٹن نے ستمبر2007ء میں سامناتاسپنو سے شادی کی جس میں سے ایک بیٹی الانا میری اورٹن ہے۔ لیکن 2013ء میں اُس نے اپنی پہلی بیوی کو طلاق دیکر نومبر2015ء میں کمبلے کیسلر سے دوسری شادی کر لی ۔جس سے اُسکی دوسری اور کیسلر کی چوتھی بیٹی پیدا ہو ئی جسکانام بروکلین روز ہے۔آمدن کی حیثیت میں2016ء کی ریسلر فہرست کے مطابق رینڈی اورٹن صرف1.9ملین ڈالر کے ساتھ سب سے کم کمانے والوں میں شامل ہوا۔اول آمدن میں ریسلر بروک لیسنر کا نام آیا۔

مزید مضامین :

Your Thoughts and Comments