ڈبلیوڈبلیو ای کے سپرسٹار”اوماگا“ہارٹ اٹیک سے چل بسے
Umaga Died
اپنے دورکے طاقتورریسلرکی اچانک موت سے ریسلنگ فیملی اداس ہوگئی اوماگا نے کیرئیرمیں ٹرپل ایچ،شان مائیکل،جان سینااور رینڈی اورٹن سمیت کئی نامورپہلوانوں کو شکست دی
منگل 8 دسمبر 2009
(جاری ہے)
اوماگاکی بیوی انہیں فوری طورپرہسپتال لے گئی جہاں چند گھٹنے تک زندگی کی جنگ لڑتے لڑتے اوماگا جان کی بازی ہار گئے،ڈاکٹرز کے مطابق صبح 6بجے ایک بار پھر انہیں ہارٹ اٹیک ہوا جوجان لیوا ثابت ہوا۔
ان کی موت کی خبرریسلنگ کی دنیا میں جنگل کی آگ کی طرح پھیلی ہوسٹن میں موجود ریسلنگ سٹارفوری طو رپراوماگا کے گھر اور ہسپتال پہنچ گئے اور دھاڑیں مارمارکرروتے رہے۔ 3اپریل 2006کو ڈبلیوڈبلیو ای سے منسلک ہونے والے ”عمر ایڈورڈ فاٹو “عرف (اوماگا ) اپنے کیرئیر کے آغاز کے بعد آٹھ ماہ ناقابل شکست رہے، اس دوران اوماگا نے ” را “ رنگ سے وابستہ ہربڑے پہلوان کو شکست سے دوچار کیا ،ان میں ٹر پل ایچ ،شان مائیکل، کین، رک فلیئر کرس ماسٹر ،رینڈی اورٹن ایج اور جان سینا شامل ہیں۔تاہم 2007ء نیوائیر ریولوشن مقابلوں میں عالمی چیمپئن شپ کے مقابلے میں ان کی کامیابیوں کے سلسلے کو جان سینانے روک دیا ، سینا اس مقابلے میں اپنے اعزاز کا دفاع کررہے تھے اور دونوں کے مابین ایک سخت خونریز مقابلہ ہوا اور دوران میچ دونوں خون میں نہلاچکے تھے۔ 28مارچ 1973کو امریکی ریاست آرکنساس میں پیداہونے والے اوماگا کے اگر ماضی پر نظر دوڑائی جائے تو یوں محسوس ہوتا ہے کہ اسے اپنا نام بدلنے کا بہت شوق تھا ،اُس نے کم و بیش8بار اپنا نام تبدیل کیا۔اُس کا پیدائشی نام عمر ایڈورڈ فاٹو تھا ۔1995 کے اوائل میں جب انہوں نے آل جاپان پرو ریسلنگ سے اپنے کیر ئیر کا آغاز کیا تو پہلی باراُس نے ( تھری منٹس وننگ) کے نام سے رنگ میں قدم رکھا، اس کے بعد اُس نے مزید 7بار اپنا نام تبدیل کیاجن میں جمال،ایڈی فاٹو،ایکمو فاٹو،او جی ایکمو،دی آئس لینڈ بوئز اور موجودہ نام اوماگا شامل ہے ۔واضح رہے کہ وہ اوماگا کے نام سے ہی پہلی بارڈبلیو ڈبلیو ای کی رنگ میں اترے۔بہت کم لوگ جانتے ہیں کہ اومیگا کا تعلق ریسلنگ کی ایک بہت بڑی نامور(اناوا )فیملی سے ہے۔350پونڈوزن اور6فٹ 4انچ قدوقامت کے مالک اوماگا ڈبلیو ڈبلیو ای کے شہرہ آفاق ریسلر رکیشی جن کا اصل نام (سولوفاٹو) تھا کے چھوٹے بھائی ہیں۔ جبکہ ڈبلیو ڈبلیو ای کے عظیم ترین ریسلر اور ہالی ووڈ فلموں کے ایکشن ہیرو ”راک “اورمعروف ریسلر یوکو زونا اوماگا کے چچا داز بھائی ہیں جبکہ اومیگا کے 2بھائی بھی ریسلنگ کے کھیل سے وابستہ ہیں۔اپنی فیملی کے دیگر ریسلرز کی طرح اومیگابھی نہ صرف بھرپور طاقت کے مالک تھے بلکہ وہ حریف پہلوان کو چت کرنے کے فن سے بھی مالا مال تھے۔کیر ئیر کے آغاز کے بعد آٹھ ماہ تک ناقابل شکست رہ کر اُس نے ثابت کردیا تھا کہ وہ ایک کامیاب اور مکمل ریسلر ہے اور وہ مستقبل قریب میں فاتح عالم بننے کی طاقت رکھتا ہے۔تاہم نیوائیر ریولوشن مقابلوں میں جان سینانے اس کی کامیابیوں کے سلسلے کو بریک لگادی تھی۔اوماگا کی موت پر ڈبلیو ڈبلیو ای نے خصوصی طورپرانہیں خراج تحسن پیش کیا،اوماگا نے ڈبلیوڈبلیو ای کے بینرتلے آخری کشتی سی ایم اپنک کے خلاف لڑی ،جنوری2009ء میں لڑی جانیوالی فائٹ میں اوماگا سی ایم پنک کے ہاتھوں شکست کھاگئے جس کے بعد انہوں نے خود کودوبارہ مضبوط بنانے کیلئے ممنوعہ ادویات استعمال کیں جن کے انکشاف کے بعد انہیں ڈبلیو ڈبلیوای کے قوانین کی خلاف ورزی کا مرتکب قرار دیکر8جون کوان کا کنٹریکٹ منسوخ کردیا گیا جس کے بعد اوماگا نے ہاک ہوگن کے گروپ ہاک مینیا کو جوائن کیا اوروہ زیادہ عرصہ بین الاقومی دوروں پر رہتے تھے۔ڈاکٹرز اوماگا کی موت کی بنیادی وجہ جاننے کیلئے تحقیقات کررہے ہیں اور ابھی تک رپورٹ منظرعام پر نہیں آسکی۔ اوماگا اپنے چہرے اور جسم پرٹیٹو بنانے کی وجہ سے منفرد پہچان رکھتے تھے جبکہ دوران کشتی کا ان کا سب سے بڑا ہتھیار گردن اور گلے پرانگوٹھے سے وار کرنا ہوتا تھا جس کے بعد حریف پہلوان کے اعصاب کام کرنا چھوڑ دیتے تھے۔اپنے مختصرکیرئیر میں اوماگا نے ریسلنگ کی دنیا میں بہت نام کمایا ، وہ اپنے منفردسٹائل اور دھاڑ مارکرحریف پہلوان پرلپکنے کے انداز کی وجہ سے ہمیشہ یاد رہیں گے۔مزید مضامین :
ایک روزہ کرکٹ عالمی کپ2023 ء کی اہم خبریں اور ریکارڈز( آخری حصہ)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ2)
ایک روزہ کرکٹ عالمی کپ2023 ء کی اہم خبریں اور ریکارڈز(حصہ1)
آسٹریلین اوپنر# ہیڈآن۔۔ٹریوس ہیڈ
"واریئر کپتان" کمنز # آسٹریلیا نے ورلڈ کپ جیت لیا
ڈیوڈ مِلر ## جنوبی افریقہ کے ﴾ " مِلر دِی کِلر" ﴿
گولڈن ہاک #ویرات کوہلی#کی گولڈن نوکس
گلین میکسویل کے بیٹ کی " میوزیکل ٹون" ۔۔"ویلڈن"
" فیبولیس فخر" | فخر پر" فخر" | "کرشنگ دِی بیٹ"
ورلڈ ٹیپ بال کرکٹ کونسل کا آغاز
گیبریلا سبا ٹینی ۔ ۔ ثانیہ مرزا | ٹینس میں اپنی پہچان
سر اینڈی مرے | برطانیہ کے نامور ٹینس کھلاڑی
مائیکل چانگ اور نومی اوساکا | ٹینس کے انفرادی کھلاڑی
سٹیفن ایڈبرگ اور میٹس وِلنڈر | سویڈن کے 2 اہم ٹینس کھلاڑی
ماریاشراپووا۔۔روس کی ''سکریمنگ سنڈریلا''۔۔ٹینس کھلاڑی
وینس ولیمز ۔۔امریکن ٹینس کھلاڑی
أنس جبیر۔افریقن عرب مسلمان ٹینس کھلاڑی "منسٹر آف ہپی نیس"
بورس بیکر۔جرمن ٹینس چیمپئین | منفرد کھیل کے انداز کا مالک
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
ٹی ٹونٹی ورلڈ کپ: نیویارک کے سٹیڈیم کی پچ کنڈیشن، تکمیل کی تاریخ، ٹکٹ کی قیمتیں سامنے آگئیں
-
نیوزی لینڈ کیخلاف چوتھے ٹی ٹونٹی میچ کیلئے ممکنہ پاکستانی پلیئنگ الیون سامنے آگئی
-
پی سی بی کا قابلِ ستائش اقدام، بے سہارا و یتیم بچوں کو میچ دیکھنے کی دعوت دیدی
-
شاداب خان نے نائب کپتان بننے کے حوالے سے خاموشی توڑ دی
-
شاداب خان پاکستانی بلے بازوں کو اپنا سٹرائیک ریٹ بہتر کرتا دیکھنے کے خواہاں
-
انگلش پریمیئر لیگ ، آرسنل کی ٹیم نے یکطرفہ مقابلے کے بعد چیلسی کو 0-5 گول سے ہرا دیا