Pakistan will enter in new era of information technology-Anusha rehman
تھری جی نیلامی سے ترقی و خوشحالی کے نئے دور کا آغاز ہوا، اگلے پانچ سالوں میں9لاکھ ملازمتیں میسر آئیں گی
وزیر مملکت برائے انفارمیشن ٹیکنالوجی و ٹیلی کام انوشہ رحمان نے کہا ہے کہ پاکستان میں تھر ی جی اور فور جی سپیکٹرم کی کا میاب اور شفاف نیلامی سے پوری قوم کی ترقی و خوشحالی کے ایک نئے دور کا آغاز ہوا ہے۔ایک مزدور سے لے کر ٹیلی کام انجینئر تک سب کو یکساں طور پر روزگار کے مواقع میسر آئیں ۔ ایک سٹڈی کے مطابق اگلے پانچ سالوں میں9لاکھ ملازمتیں میسر آئیں گی، کاروباری اور معاشی سرگرمیوں میں بھی تیزی آئے گی۔
خبر رساں ادارے سے خصوصی بات چیت کرتے ہوئے انہوں نے کہا کہ مسلم لیگ (ن) کے انتخابی منشور میں آئی ٹی کی ترقی کا باب تحریر کرنے اور اب اسے عملی جامہ پہنانے کا اعزاز مجھے حاصل ہوا ۔ہمارا عزم تھا کہ پاکستان کے عوام کو دنیا کے ترقی یافتہ ممالک جیسی ٹیلی کام کی سہولتوں کی فراہمی کو یقینی بنائیں گے اللہ تعا ٰلی کا شکر ہے کہ ہم اپنے مقصد میں کامیاب ہوئے ہیں اور اپنی حکومت کے پہلے ہی سال میں اپنا وعدہ پورا کر دیا ہے ۔(جاری ہے)
وزیر مملکت نے کہا کہ تھری جی اور فور جی کی نیلامی کے عمل کی خوش اسلوبی سے مکمل ہونے کے بعداب ہماری ذمہ داری اور بھی بڑھ گئی ہے کہ ملک کے دوردراز علاقوں میں بھی اس کا فروغ کروائیں تاکہ ان علاقوں میں رہنے والے بھی آن لائن صحت، تعلیم زراعت اورتجارت کی سہولتوں سے مستفید ہو سکیں۔ایک سوال کے جواب میں انوشہ رحمان نے کہا کہ ماضی کی طرح اب منصوبے صرف فائلوں میں بند نہیں رہیں گے بلکہ عمل درآمد ہو گا اور سب کو نظر آئے گا انہوں نے کہا تھری جی اور4جی کے لائسنس حاصل کرنیوالی کمپنیوں سے بہت جلد75فیصدرقم بجٹ سے پیشتر ملنے کی توقع ہے ۔
تھری جی اورفورجی اسپکٹرم کی نیلامی سے ہمارا سفر شروع ہوا ہے، وزیراعظم نواز شریف نیلامی کے نتائج سے مطمئن اورخوش ہیں۔پوری قوم اس کوکامیابی کے طورپرمنارہی ہے جدید موبائل ٹیکنالوجی سے زراعت، تعلیم اورصحت کے شعبوں میں انقلاب آئیگا۔ انہوں نے کہاکہ زونگ نے اپنے لائسنسوں کی 100فیصدفیس کی ادائیگی پرآمادگی ظاہر کی ہے اور وہ یہ رقم ڈالرز کی صورت میں ادا کر رہے ہیں۔ انہوں نے کہاکہ اگلے دو تین سال میں جدید ٹیکنالوجی کے ذریعے انقلاب آئیگاہمارے پاس تین قسم کے فنڈ موجود ہیں جن میں یو ایس ایف، آر این ڈی اور پاکستان سافٹ ویئرایکسپورٹ بورڈ شامل ہیں ۔ یو ایس ایف بورڈ کمیٹی میں فیصلہ کیا گیا ہے کہ ٹیلی سنٹر کے قیام ،آپٹک فائیبر کی تنصیب اور رورل ٹیلی فونی جیسے تین بڑے پراجیکٹ پر کام کریں گے ۔ فاٹامیں بھی فون سروس شروع کی جائے گی اب وزیر اعظم نواز شریف کی قیادت میں ہنگامی بنیادوں پر کام ہو گا اسلام آباد ،لاہور اورکراچی میں ٹیکنالوجی پارک بنائے جائیں گےانہوں نے کہاکہ اب ایسی اپلیکیشنزپر توجہ ہونی چاہئیے جس کے ذریعے لوگ اپنے موبائل فون سے ہی صحت ،تعلیم،زراعت اور سیکیورٹی کی سہولیات حاصل کرسکیں انہوں نے کہاکہ ابھی صرف انفراسٹرکچر بڑھانے پرکام ہو رہا ہے جتنی موبائل کمپنیوں سے بات ہوئی ہے وہ ای ہیلتھ،ای ایجوکیشن،ای ایگریکلچر ،ای گورنمنٹ ،ٹیلی میڈیسن اور ایم کامرس جیسے منصوبوں میں حکومت کے ساتھ مل کر کام کرنے میں دلچسپی کا اظہار کر رہی ہیں ۔
انہوں نے کہاکہ ملک میں موبائل فون کی تیاری سے لوگوں کو سستے موبائل ملیں گے کیونکہ اس پر امپورٹ ٹیکس لاگو نہیں ہو گا اس حوالے سے ہم نے مختلف کمپنیوں کو پاکستان میں مقامی مینو فیکچرنگ کی دعوت دی ہے کہ وہ ٹیلی فون انڈسٹریز پاکستان میں پرائیویٹ پبلک پارٹنر شپ کے ذریعے موبائل فون کی تیاری کریں۔ انوشہ رحمان نے کہا کہ سمارٹ فون بنانے والی تمام کمپنیوں کو ملک میں سیلزسینٹرکھولنے کی دعوت دے رہے ہیں، تاکہ ملک میں سمگل شدہ فون کی فروخت روکی جا سکے اور کمپنیاں بعد از فروخت سروس،گارنٹی جیسی سہولیات صارفین کو مہیا کریں اور قانونی تقاضوں کو پورا کرتے ہوئے جائز طریقے سے اپنا کاروبار چلائیں ۔انہوں نے مزید کہا کہ لائسنس فیس کی ادائیگی کے بعد لائسنسز کااجراء کر دیا جائے گا اور لائسنس جاری ہوتے ہی 3-Gسروسز کا آغاز ہو جائے گا ۔ ہم امید کرتے ہیں کہ کمیونیکیشن کا یہ ہائی وے شہروں اور دیہاتوں کو مساوی طور پر ترقی کی راہ پر گامزن کرے گا اور ایک اندازے کے مطابق پاکستان کی جی ڈی پی گروتھ میں ٹیلی کام کا حصہ 1.8فیصد تک متوقع ہے۔More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry