Facebook Lifestage is a video centric social app for teens

فیس بک نے نوجوانوں کے لیے سوشل ویڈیو ایپ لائف سٹیج متعارف کرا دی

Facebook Lifestage is a video centric social app for teens

فیس بک سنیپ چیٹ کے زیادہ سے زیادہ صارفین کو اپنے پلیٹ فارم میں لانے کے لیے نت نئے فیچرز اور ایپلی کیشن متعارف کرارہا ہے۔ حال ہی میں فیس بک نے انسٹا گرام سٹوریز اور لائیو فلٹر متعارف کرائے ہیں۔اب فیس بک نے ایک نئی ایپلی کیشن متعارف کرائی ہے۔ ویڈیوز پر مرکوز لائف سٹیج نامی یہ سوشل ایپلی کیشن ہائی سکول کے طلباء کے لیے بنائی گئی ہے۔اس ایپلی کیشن میں صارفین اپنا پروفائل مکمل کرنے کے لیے اپنی پسند و ناپسند پر ویڈیوز اور سیلفیز بنانی ہونگی۔


نوجوانوں کے لیے بنائی گئی اس ایپلی کیشن میں 22سال سے بڑی عمر کے افراد دوسروں کے پروفائلز نہیں دیکھ سکتے۔یہ ایپلی کیشن نوجوانوں کو صرف اُن صارفین کے پروفائل دکھاتی ہے جو اُن کے یا قریبی سکول جاتے رہے ہیں۔یہ ایپلی کیشن صرف اُن سکولوں کے طلباء کےپروفائل دکھاتی ہے، جن کے کم از کم 20 طلباء سائن اپ کر چکے ہوں۔

(جاری ہے)

دوسرے الفاظ میں یہ ایپلی کیشن بالکل ویسے ہی کام کرتی ہے جیسے فیس بک اپنے شروع کے دنوں میں کام کرتا تھا۔


اس ایپلی کیشن کوفیس بک میں کام کرنے والے 19سالہ مائیکل سیمین نے بنایا ہے۔ مائیکل اپنے سکول کی تعلیم ختم کرنے کے بعد سےہی فیس بک میں کام کر رہا ہے۔مائیکل 13سال کی عمر سے ہی ایپلی کیشنز بنا رہا ہے۔اس نے مارک زکربرگ کی دعوت پر فیس بک ٹیم میں شمولیت اختیار کی تھی۔
اس ایپلی کیشن کو ابھی اینڈروئیڈ کے لیے لانچ نہیں کی گئی تاہم آئی او ایس صارفین اسے یہاں کلک کر کے انسٹال کر سکتے ہیں۔

تاریخ اشاعت: 2016-08-20

Your Thoughts and Comments