oneplus and meizu found to be cheating in benchmarks
ون پلس اور مے یو کی بینج مارک میں ہیرا پھیری پکڑی گئی
بینچ مارکنگ کسی ہارڈویئر کی کارکردگی جانچے کے لئے کیا جانے والا ٹیسٹ ہے۔ اگر آپ LG جی 2 اور LG جی 3 کی بینچ مارکنگ کریں تو ایل جی جی تھری کا اسکور آپ کو زیادہ نظر آئے گا کیونکہ اس میں بہتر ہارڈویئر نصب ہے۔ اسمارٹ فونز کے شوقین بہت سے لوگ بینچ مارک اسکور دیکھ کر ہی کسی فون کو خریدنے کا فیصلہ کرتے ہیں۔ عام لوگوں کے لئے شاید بینچ مارکنگ زیادہ اہم نہ ہو، لیکن بہتر ہارڈویئر کے خواہش مند لوگ بینچ مارک اسکور پر خاص نظر رکھتے ہیں۔
لوگوں کی اسی کمزوری کا فائدہ اٹھاتے ہوئے ماضی میں کئی کمپنیاں بینچ مارک اسکور میں ہیرا پھیری کرتی پکڑی گئی ہیں تاکہ ان کے اسمارٹ فونز کا شاندار اسکور صارفین کو متاثر کرسکے۔ ان میں تمام ہی نامور کمپنیاں شامل ہیں۔ تاہم پکڑے جانے پر انہوں نے یہ کام بند کردیا۔
(جاری ہے)
اب تازہ خبر یہ ہے کہ OnePlus اور Meizu (دونوں چینی کمپنیاں ہیں) بینچ مارک میں ہیرا پھیری کرتی پائی گئی ہیں۔
بینچ مارکنگ ایپلی کیشنز اسمارٹ فون کی پروسیسنگ کی طاقت کو جانچ کرکے اس کے حساب سے اسکور دیتی ہیں۔ اس اسکور کی بنیاد پر اسمارٹ فونز کی درجہ بندی کی جاتی ہے۔ اگر آپ آپ کمپیوٹر یا لیپ ٹاپ پر ونڈوز سیون یا اس سے بہتر آپریٹنگ سسٹم استعمال کرتے ہیں تو سسٹم پراپرٹیز میں آپ کو سسٹم ریٹنگ نظر آئے گی۔ مائیکروسافٹ اسے ونڈوز ایکسپیرینس انڈیکس کہتا ہے۔ یہ بھی بینچ مارک کی ایک مثال ہے جس میں مائیکروسافٹ ونڈوز آپ کے کمپیوٹر/لیپ ٹاپ میں نصب ہارڈویئر کی طاقت و کارکردگی کے مطابق اسکور دیتا ہے۔ یہ اسکور جتنا زیادہ ہوگا، ہارڈویئر اتنا ہی جدید/بہتر تصور کیا جائے گا۔
اطلاعات کے مطابق وَن پلس تھری ٹی اور Meizu Pro 6 کو اس طرح سے تبدیل کیا گیا ہے کہ وہ بینچ مارکنگ ایپلی کیشن میں حقیقی اسکور کے مقابلے میں زیادہ اسکور ظاہر کرتے ہیں۔ ون پلس نے اس غلطی کو تسلیم کرتے ہوئے اس جعل سازی کو دور کرنے کا وعدہ کیا ہے لیکن Meizu کی جانب سے فی الحال خاموشی ہے۔
ماضی میں سام سنگ اور ایچ ٹی سی سمیت کئی کمپنیوں پر ایسے الزامات لگتے رہیں کہ وہ دھوکے سے اپنا بینچ مارک اسکور زیادہ دکھاتی ہیں۔ جب اس بات کا انکشاف ہوا تھا تو سخت تنقید کے بعد کمپنیوں کو اس حرکت سے باز آنا پڑا تھا۔ون پلس کی جعل سازی کے بارے میں XDA ڈیولپرز کا دعویٰ ہے کہ انہوں نے غلط طریقے سے بینچ مارکنگ اسکور میں معمولی اضافہ کیا۔ اس معمولی اضافے کے لئے غلط طریقہ اختیار کرنے پر سوال کھڑے ہورہے ہیں۔ ون پلس نے البتہ یہ یقین دہانی کروائی ہے کہ OxygenOS کی اگلی اپ ڈیٹ میں اس مسئلے کو حل کردیا جائے گا اور انہوں نے بیچ مارک میں ہیرا پھیری بھاری بھرکم ایپلی کیشنز اور ویڈیوز گیمز میں صارف کو بہتر تجربہ دینے کے لئے کی۔
مے یُو پرو 6 پلس کے بارے میں انکشاف کیا گیا ہے کہ جیسے ہی اس پر بینچ مارکنگ ایپلی کیشن کو چلایا جاتا ہے تو وہ نارمل موڈ سے پرفارمنس موڈ میں آجاتا ہے۔ پرفارمنس موڈ میں پروسیسر اپنی پوری قوت کے ساتھ چلنا شروع کردیتا ہے۔ یوں اس کا اسکور بڑھ جاتا ہے۔ موبائل فون پروسیسر اپنی پوری قوت سے چلیں تو بہت جلد گرم ہوکر دوبارہ نارمل موڈ میں آجاتے ہیں۔ اس لئے بینچ مارکنگ نارمل موڈ میں ہی کی جاتی ہے۔
More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry