With LG 360 CAM and Google Street View Share and Enjoy 360 Degree Content

ایل جی 360 کیم اور گوگل اسٹریٹ ویو سے 360ڈڈگری تصاویر اور ویڈیو بنانا اور شیئر کرنا بہت آسان

ایل جی الیکٹرانکس (ایل جی) نے 360 کیم (LG 360 CAM) ڈیوائس متعارف کرانے کا اعلان کردیا ہے۔ ایل جی کو امید ہے کہ موبائل ڈیوائسز کے استعمال کے ذریعے 360 ڈگری کی تصویر اور ویڈیو کی تیاری کی اہم خصوصیت کے باعث لوگ اس میں زیادہ دلچسپی لیں گے۔ کم قیمت اور آسانی سے چلائے جانے والی ڈیوائسز جیسے ایل جی کی نئی کیم 360 اور G5اسمارٹ فون کے ذریعے 360 بصری مواد کی تیاری ایک بٹن دبانے جتنی آسان ہے۔

اگرچہ اس میں پینوراما موڈ، 360 زاویئے کے ساتھ تصاویر اور ویڈیو لی جاسکتی ہے لیکن اس میں سب سے منفرد بات یہ ہے کہ یہ زمین اور آسمان کی بھی ایک منظر کے ساتھ تصویر کھینچی جاسکتی ہے۔ اپنے جامع، آسانی سے لے جانے اور ہائی ریزولوشن تصاویر کے ساتھ ایل جی کا 360 کیم اپنی نوعیت کی پہلی امیجنگ ڈیوائس ہے جو 360 ڈگری مواد کے بڑھتے رجحان سے فائدہ اٹھانا چاہتی ہے۔

(جاری ہے)

حقیقت میں یہ اسمارٹ فون بنانے والوں کی جانب سے پہلا کیمرا ہے جو گوگل کی اوپن اسفیئریکل کیمرا (او ایس سی) اے پی آئی کی سپورٹ کے ساتھ گوگل اسٹریٹ ویو (Google Street View) کے لئے بہترین انداز سے استعمال کیا جاسکتا ہے۔

گوگل اسٹریٹ ویو ایپ کو آئی او ایس یا اینڈرائڈ اسمارٹ فونز پر انسٹال کرنے کے ساتھ ایل جی 360 کیم آسانی کے ساتھ 360 ڈگری زاویئے کا مواد کی آسانی سے محفوظ بناسکتا ہے بلکہ اس کو کسی مناسب فارمیٹ پر منتقل کرنے کی دقت کے بجائے اپنے فون سے براہ راست بھیجا جاسکتا ہے۔

ایل جی 360 کیم میں تین اہم مائیکروفونز ہیں جبکہ یہ 5.1 چینل ماحول کی ساؤنڈ ریکارڈنگ کی سہولت فراہم کرتا ہے۔ یہ 1200 ایم اے ایچ کی اندرونی بیٹری کی گنجائش کا حامل ہے جس کی بدولت 70 منٹ کی ویڈیو ریکارڈنگ کی جاسکتی ہے۔ اپنے مائیکرو ایس ڈی کارڈ کے ساتھ اس ڈیوائس کو 2 ٹیرا بائٹ تک وسعت دی جاسکتی ہے۔

گوگل اسٹریٹ ویو کے پروڈکٹ منیجر چارلس آرم اسٹرانگ نے بتایا، "ایل جی 360 کیم کے اعلان کا مطلب یہ ہے کہ 50 کروڑ سے زائد صارفین ہیں اور وہ سب 360 ڈگری مواد کی تیاری اور اسکو پھیلانا چاہتے ہیں۔

16 میگا پکسل کی تصاویر کی تیاری کی استعداد کے ساتھ ایل جی کا 360 کیم ان تمام لوگوں کے لئے ترجیحی بنیادوں پر انتہائی دلچسپی کا باعث ہے جو 360 ڈگری مواد کے مزے میں شامل ہونا چاہتے ہیں۔ "

ایل جی کے موبائل کمیونکیشنز کمپنی کے وائس پریذیڈنٹ اور ہیڈ آف پروڈکٹ پلاننگ کم ہونگ جو کم نے بتایا، "اب تک 360 ڈگری کی حامل تصاویر اور ویڈیوز کی تیاری مہنگی اور بھاری سازو سامان کے ساتھ ممکن تھی جو روز مرہ صارفین کی دسترس سے دور تھی لیکن ایل جی 360 کیم اپنے صارفین کو اس قابل بنا تا ہے کہ وہ اپنا مواد خود تیار کریں اور آزادی کے ساتھ اسے اس طرح شیئر کریں کہ ایل جی پلے گراؤنڈ کے اندر نئے موبائل ایکو سسٹم میں ترقی لائے۔

"

اہم خصوصیات: 360ڈگری گول شیپ یا 180 نصف گول تصاویر بنانا، 16 میگا پکسل آوٹ پٹ کے حامل 13میگا پکسل کیمرہ، 40 x 97 x 25mmسائز، 76.7 گرام وزن، x 3 /5.1 چینل سائونڈ ریکارڈنگ اور 1200ایم اے ایچ بیٹری.