Gmail will let you attach emails to emails

جی میل کے صارفین اب ای میلز میں ای میلز اٹیچ کر سکیں گے

Gmail will let you attach emails to emails
جی  میل کا نیا فیچر کافی دلچسپ اور سننے میں عجیب ہے۔ جی  میل اب  صارفین کو ای میلز میں ای میلز اٹیچ کرنے کی سہولت دے گا۔ اس فیچر کے لانچ کے بعد صارفین کو ای میل ڈاؤن لوڈ کر کے اٹیچ کرنے کی ضرورت نہیں ہوگی۔
اس فیچر کو استعمال کرنے کے لیے صارفین کو ایک یا ایک سے زیادہ ای میلز کمپوز ونڈو میں ڈریگ اینڈ ڈراپ کرنی پڑے گی۔ اس کے علاوہ صارفین تھری ڈاٹ مینو سے Forward as attachment کو بھی منتخب کر سکتے ہیں۔

(جاری ہے)

عام طور پر صارفین ای میلز اٹیچ کرنے کی بجائے ای میل کو فارورڈ کرنا پسند کرتے ہیں لیکن کبھی کبھار ای میلز کو اٹیچ کرنا ، فاورڈ کرنے سے زیادہ مفید ہوتا ہے۔ مثال کے طور پر جب صارفین ایک ہی موضوع کی کئی ای میلز کو ایک ہی ای میل میں بھیجنا چاہیں تو یہ آپشن بہترین ہوتا ہے۔
ای میلز میں اٹیچ ہونے والی فائلز .eml ایکسٹینشن کی صورت میں اٹیچ ہوتی ہیں۔ فائل وصول کرنے والے صارفین انہیں اپنی مرضی کے ای میل کلائنٹ میں کھول سکتے ہیں۔یہ فیچر آج سے جاری کرنا شروع کر دیا گیا ہے۔ 21 جنوری تک یہ تمام صارفین کے پاس فعال ہو جائے گا۔
Gmail will let you attach emails to emails
تاریخ اشاعت: 2019-12-10

Your Thoughts and Comments