LG got 30 IF Design Awards in 2017

ایل جی الیکٹرانکس نے اپنی مصنوعات کے بہترین ڈیزائن پر 30 آئی ایف ڈیزائن ایوارڈز حاصل کرلئے

ایل جی الیکٹرانکس نے آئی ایف ڈیزائن ایوارڈ ز (iF Design Awards) کی تقریب میں بہترین کارکردگی کی حامل مصنوعات پر 30 آئی ایف ڈیزائن ایوارڈز جیت کر نیا ریکارڈ قائم کردیا ہے۔ کورلڈ لیس ویکیوم کلینر کو آئی ایف گولڈ ایوارڈ ملنے کے ساتھ ایل جی سگنیچر اولیڈ ٹی وی ڈبلیو، ایل جی گرام، ایل جی وی 20 اور ایل جی ٹون بلوٹوتھ ہیڈ سیٹس جیسے مصنوعات کو دیگر امتیازی ایوارڈز بھی دیئے گئے۔

دنیا میں اعلیٰ ڈیزائن کے مقابلوں میں شامل صف اول کی آئی ایف ڈیزائن ایوارڈز کی تقریب 60 سال سے زائد عرصے سے جاری ہے۔اسے جرمنی کے آئی ایف انٹرنیشنل فورم ڈیزائن جی ایم بی ایچ کی جانب سے منعقد کیا جاتا ہے۔ ان ایوارڈز کے انعقاد کا مقصد عوام میں ڈیزائن سے متعلق آگہی اور اچھے ڈیزائن کی نشاندہی کرکے انہیں فروغ دینا ہے۔

(جاری ہے)

رواں سال اس صف اول کے ڈیزائن مقابلے کے لئے 59 ممالک سے 5500 مصنوعات پیش کی گئیں۔

ایل جی کے کورڈ زیرو کو گولڈ ایوارڈ دیتے ہوئے ججز نے کورلڈ لیس ویکیوم کلینر کے آرام دہ، باسہولت اور افادیت کی تعریف کی۔ اس کے علاوہ ایل سگنیچر لائن اپ کی چار دیگر مصنوعات میں سے ہر ایک کو آئی ایف کی جانب سے بہترین ڈیزائن کے لئے منتخب کیا گیا۔ اس کے علاوہ خوبصورت اور ناقابل یقین پتلے ایل جی سگنیچر ٹی وی ڈبلیو نے رواں سال خصوصی ایوارڈ حاصل کیا۔

جبکہ گزشتہ سال ایل جی سگنیچر ریفریجریٹر، واشنگ مشین، ایئرپیوریفائر اور اوریجنل اولیڈ ٹی وی نے یہ ایوارڈز حاصل کئے تھے۔

اس کے علاوہ ایل جی سگنیچر گیلری کو کمیونکیشنز اور آرکیٹیکچر شعبوں میں بھی ایوارڈز ملے۔ برلن میں آئی ایف اے 2016 نمائش میں پیش کردہ آلات اور ٹی وی میں خصوصی طور پر آرٹ کی روح کے مطابق ڈیزائن کے فلسفے کو اجاگر کیا گیا تھا۔

ایل جی الیکٹرانکس کے وائس پریذیڈنٹ اور کارپوریٹ ڈیزائن کے ہیڈ نوہ چانگ ہو نے بتایا، "ایل جی کے پروڈکٹ ڈیزائنوں میں ہماری صارفین کی بنیادی ضرورت کو سمجھا جاتا ہے۔ ان ایوارڈز سے صارفین کے نفیس انداز سے استعمال سے متعلق ہمارا عزم ظاہر ہوتا ہے۔ ہم خوبصورتی اور فعالیت کی نئی سرحدیں قائم کرکے پہلے سے بہتر مصنوعات پیش کرنے کا سلسلہ جاری رکھیں گے۔ "