Truecaller and Google come together
ویڈیو کالنگ کے تجربے کو بہتر بنانے کیلئے گوگل اور ٹرو کالر یکجا ہو گئے
ٹرو کالر نے آج گوگل ڈوو کے ساتھ ہم آہنگی کے تزویراتی معاہدے کا اعلان کیا ہے۔گوگل ڈو و ایک اعلیٰ معیار کی ویڈیو کالنگ ایپ ہے جو اب ٹرو کالر ایپ کے ساتھ استعمال کی جا سکے گی۔ اس سے ٹرو کالر کی بین الاقوامی ساکھ اور معیار میں اضافے کے ساتھ ساتھ اُس کے معروف ڈائلر‘کالر آئی ڈی اور اسپیم بلاکنگ ایپ کی وقعت اور قدر میں بھی خاطر خواہ اضافہ ہوگا جس کو 25کروڑ سے زائد صارفین استعمال کرتے ہیں۔
مزید براں، ٹروکالر نے اینڈرائڈ کی ایپ کیلئے بالکل نئے ڈیزائن کا اعلان بھی کیا ہے جس میں دو عدد نئے فیچرز بھی شامل ہیں ، جن میں ایس ایم ایس اور فلیش مسیجنگ شامل ہیں۔ اس ایس ایم ایس کے فیچر سے یہ معلوم کرنا ممکن ہوگا کہ میسج بھیجنے والا کون ہے اور اس کے علاوہ اسپیم میسجنگ کو فلٹر کرنا بھی ممکن ہوگا۔
(جاری ہے)
عالمی سطح پر سالانہ 1.2کھرب اسپیم میسج سالانہ بھیجے جاتے ہیں جو کہ کل ایس ایم ایس کا پندرہ فیصد ہیں۔
اس کے ساتھ ساتھ ٹرو کالر کے صارفین اب فلیش میسجنگ بھی بھیج سکیں گے جو پہلے سے تیارشدہ مسیج کو فوری طور پر مطلوبہ فرد کو بھیج دے گا اور اُس کیلئے آپ کی کیفیت‘ آپکا راستے میں ہونا‘ آپ کی لوکیشن یا اگر آپ گھر پہنچ چکے ہیں وغیرہ جانناممکن ہوگا۔ٹرو کالر کے شریک بانی اور سی ایس او نامی ذارنغلم نے کہا کہ ہم نے آغاز سے ایک ایسی پراڈکٹ بنانے پر انتھک محنت کی ہے جو کہ مواصلات میں مزید آسانیاں پیدا کرتے ہوئے اِس کودنیا بھر میں موجود ہمارے صارفین کیلئے سادہ اور آسان بنائے اور اُن کی اہم ضروریات کو پورا کر ے جیسا کہ صارف کو معلوم ہو کہ اُس کو درحقیقت کون کال کر رہا ہے اور وہ نا پسندیدہ نمبروںکو بلاک کر نے کے قابل ہوں۔اُنہوں نے کہاکہ قابل قدر شراکت دار گوگل کی وجہ سے ہم اپنے سفر میں اگلا قدم اُٹھانے کیلئے کافی پرجوش ہیں۔اُن کا کہنا تھا کہ اِس اقدام سے موبائل فون کی مواصلات ایک ہی چھت تلے آ جائیں گی اور آپ کو محفوظ ترین ‘ موثرترین‘ آسان ترین خدمات با آسانی ایک ہی ایپ دستیاب ہونگی جس سے آپ کو اپنے امور سر انجام دینے میں خاطر خواہ آسانی پیدا ہوگی اور بار بار ایپ تبدیل کرنے اور مختلف امور کیلئے مختلف ایپ ڈاؤن لوڈ کرنے کی ضرورت نہیں ہوگی۔
گوگل میں ڈوو کے سربراہ امت فولے نے کہاکہ اس بات سے قطع نظر کہ کون کیسا پلیٹ فارم استعمال کر رہا ہے، ویڈیو کالنگ ہر فرد کیلئے دستیاب ہونگی چاہئے ۔ ہمارا مقصد ہے کہ ہم ویڈیو کالنگ کو سادہ‘ آسان‘ تیز اور ہر ایک کیلئے دستیاب بنائیں۔اُن کا کہناتھا کہ ٹرو کالر کے ساتھ ہم آہنگی سے ہم دنیا بھر میں اپنے کروڑوں صارفین کو بہتر ویڈیو کالنگ کا تجربہ فراہم کر سکیں گے۔
دنیا بھر میں موجود لاکھوں ایسے افراد جو کہ انجان نمبروں سے آنے والی کالوں اور میسجز سے پریشان ہیں ، اُن کیلئے ٹروکالر کی نئی وضع بیان کردہ مسائل سے بچاؤ کا ایک محفوظ اور موثر طریقہ ہے۔ٹروکالر دنیا بھر میں تیزی سے استعمال کی جانے والی ایپ بن چکی ہے جس سے آپ نہ صرف اپنے مطلوبہ افراد سے با آسانی رابطہ کر سکتے ہیں بلکہ ناپسندیدہ کالز اور ایس ایم ایس کو نظر انداز بھی کر سکتے ہیں۔
گوگل ڈوو ایک سادہ ویڈیو کالنگ کی ایپ ہے جو کہ بالکل بھی پیچیدہ نہیںہے۔اس سروس کو تیز اور قابل بھروسہ بنایا گیا ہے جو فقط ایک بٹن دبانے سے صارفین کا آپس میں رابطہ کرواتی ہے۔
ٹروکالر کا گوگل ڈووکے ساتھ انضمام اینڈرائڈ کیلئے آنے والے ماہ میں دستیاب ہوگا جو کہ اجازت سے مشروط ہوگا۔ ٹرو کالر کے بار ے میں مزید جاننے کیلئے آپ ٹرو کالر کی ویب سائٹ www.truecaller.comکووزٹ کر نے ساتھ ساتھ اس کی ایپ کو گوگل پلے اور آئی او ایس سے مفت میں ڈاؤن لوڈ بھی کرسکتے ہیں۔
More Technology Articles
مائیکروسافٹ نے اینڈروئیڈ ایپس سپورٹ کے ساتھ ونڈوز 11 پیش کر دی
Windows 11 Announced With Android Apps Support
ٹی ایس ایم سی یورپ کی بجائے امریکا میں 3 این ایم فاؤنڈری بنائے گا
Reuters: TSMC May Build Its Advanced 3nm Foundry In The US Instead Of Europe
انسٹاگرام صارفین جلد ہی ڈیسک ٹاپ سے بھی پوسٹ تخلیق کر سکیں گے
Instagram Will Soon Let You Create Posts On Desktop
گوگل نے فٹ بٹ کی خریداری کو مکمل کر لیا
Google Completes Acquisition Of Fitbit
ایپل نے بہتر ساؤنڈ اور سری سمارٹ کے ساتھ 99 ڈالر کا ہوم پیڈ منی پیش کر دی
Apple Outs $99 HomePod Mini With Big Sound And Siri Smarts
او ایل ای ڈی ڈسپلے اور فائیو جی کے ساتھ ایپل نے آئی فون 12 اور 12 منی متعارف کرا دئیے
Apple IPhone 12 And 12 Mini Are Official With OLED Displays, 5G
فائیو جی ، بڑی سکرین اور بہتر کیمروں کے ساتھ ایپل نے آئی فون 12 پرو اور پرو میکس پیش کر دئیے
Apple IPhone 12 Pro And Pro Max Unveiled With 5G, Larger Screens, Improved Cameras
گیمنگ لیپ ٹاپس بائینگ گائیڈ
Gaming Laptop Buying Guide
ایپل نے اے 14 بائیونک چپ سیٹ کے ساتھ نیا آئی پیڈ ائیر پیش کر دیا
Apple Unveils New IPad Air With A14 Bionic Chipset, Refreshes Entry-level IPad Too
ایپل نے باضابطہ طور پر واچ سیریز 6 اور واچ ایس ای جاری کر دیں
Apple Watch Series 6 And Watch SE Are Official
سام سنگ نے اب تک کا سب سے سستا فائیو جی فون اے42 فائیو جی سمارٹ فون پیش کر دیا
Samsung Announces Galaxy A42 5G - Its Cheapest 5G Phone Yet
ہواوے فلوٹنگ ڈسپلے کے ساتھ نوٹ بک پیش کرے گا
Huawei To Introduce A Notebook With Floating Display, Honor To Bring A New Budget Entry