YouTube videos with kids get three times as many views as videos without kids

پیو ریسرچ سنٹر کی ایک نئی تحقیق کے مطابق ایسی  یوٹیوب ویڈیوز جن 13 سال سے کم عمر   بچے ہوں، اُن کے ویوز کی تعداد بغیر بچوں والی ویڈیوز کے ویوز سے 3 گنا زیادہ ہوتی ہے۔
پیو ریسرچ سنٹر نے اس تحقیق میں 2 لاکھ 50 ہزارسے زیادہ  سبسکرائبرز    کے ایسے یوٹیوب چینل جو 2018 میں موجود تھے ، کو شامل کیا ہے۔پیوریسرچ سنٹر نے ان چینلز کی  جنوری 2019 کے پہلے ہفتے کی بنائی ویڈیوز کا بھی تجزیہ کیا۔اس تحقیق سے پتا چلا  ہے کہ  ایسی ویڈیوز جن میں 13 سال سے کم عمر کے بچے تھے، اُن کے ویوز کی تعداد بغیر بچوں والی ویڈیوز سے 3 گنا زیادہ تھی۔
ایسی ویڈیو جو بنائی ہی بچوں کے لیے گئی تھیں ااور ان میں  13 سال سے کم عمر بچے بھی تھے، ویو کاؤنٹ کے لحاظ سے دوسری ویڈیوز سے زیادہ مقبول تھیں۔
یوٹیوب کے ترجمان  نے بتایا کہ کمپنی پیو ریسرچ سنٹر کے طریقہ کار کے بارے میں کچھ نہیں کہہ سکتی۔

(جاری ہے)

کمپنی نے بتایا کہ اُنکی مقبول کیٹیگریز میں کامیڈی، میوزک، سپورٹس اور ہاؤ ٹو شامل ہیں۔
تاہم یہ حقیقت ہے کہ  جن چینلز یا ویڈیو میں بچے ہوتے ہیں،  اُن کے ویوز اور سبسکرائبر عام طور پر زیادہ  ہوتے ہیں۔یوٹیوب کے تخلیق کار بھی اس طریقہ کار کو  آمدن بڑھانے کی گارنٹی سمجھتے ہیں۔
حال ہی میں فیڈرل ٹریڈ کمیشن نے  یوٹیوب پر بچوں کی حفاظت کے حوالے سے تحقیقات کیں۔ تحقیقات سے پتا چلا کہ یوٹیوب بچوں کے ساتھ زیادتی کرنے والے شکاریوں کی جنت بنا ہوا ہے۔ یوٹیوب بھی اس کلچر کو تبدیل کر رہا ہے۔ کمپنی نے ایسی تمام ویڈیوز پر کمنٹس خودکار طور پر ڈس ایبل کر دئیے ہیں، جن میں بچے ہوں۔
یوٹیوب کے شرائط و ضوابط کے مطابق بھی یہ ایپ 13 سال سے کم عمر بچوں کے لیے نہیں ہے۔ چھوٹے بچوں کے لیے یوٹیوب نے یوٹیوب کڈز کے نام سے  ایپ متعارف کرائی ہے، جو بچوں کے لیے محفوظ سمجھی جاتی ہے۔