combine cloud storage accounts at one place

انٹرنیٹ پر مفت میں ایک جگہ ہی ہزاروں جگہ سٹوریج حاصل کریں

درجنوں کلاؤڈ اسٹوریجز کو جمع کرنے سے کئی سو جی بی کی اسٹوریج حاصل ہو سکتی ہے، لیکن ہر اسٹوریج کا استعمال کرنے کے لیے لوگ اُس کی ویب سائٹ پر جانا یا پھر کلائنٹ پروگرام انسٹال کرنا پسند نہیں کرتے۔ تمام اسٹوریجز کو ایک ساتھ بڑی آسانی سے استعمال کرنے کے لیے آپ ’’کلاؤڈ ایوو‘‘ (Cloudevo) پروگرام انسٹال کر کے اکاؤنٹ بنا سکتے ہیں۔

اس پروگرام میں اپنی تمام کلاؤڈ اسٹوریجز جیسے کہ گوگل ڈرائیو، ڈراپ باکس، مائیکرو سافٹ ون ڈرائیو، فور شیئرڈ، باکس ڈاٹ کام، ہائی ڈرائیو اور میگا وغیرہ ایک ساتھ منظم انداز میں رکھنے کے علاوہ استعمال بھی کر سکتے ہیں۔ اس پروگرام سے تمام اسٹوریجز کو ایک ڈرائیو میں جمع نیز کوئی بھی ڈیٹا اپ لوڈ کرنے پر یہ پروگرام خود بخود اُس ڈیٹا کو ان اسٹوریجز میں تقسیم کر دیتا ہے لیکن استعمال کے وقت خود ہی جمع کر کے آپ کے لیے حاضر کر دیتا ہے۔

(جاری ہے)

قیمتی ڈیٹا کی حفاظت کا بہترین طریقہ یہی ہے کہ اسے کسی کلاؤڈ اسٹوریج پر بیک اپ کرتے رہیں۔ ’’کلاؤڈ ایوو‘‘ ڈیٹا کو تیز اور محفوظ طریقے سے کلاؤڈ اسٹوریج میں پہنچانے کے علاوہ ڈیٹا انکرپشن کی سہولت بھی دیتا ہے۔ کلاؤڈ ایوو ونڈوز کے علاوہ لینکس، اینڈروئیڈ و آئی او ایس یعنی تمام پلیٹ فارمز کے لیے مفت دستیاب ہے۔
کلاؤڈ ایوو کو انسٹال کرنے کے لیے یہاں کلک کریں۔

تاریخ اشاعت: 2017-04-18