Bill gates become newest member of instagram

بل گیٹس نے انسٹا گرام اکاؤنٹ بنا لیا

اگرچہ بل گیٹس کسی تعارف کے محتاج نہیں، لیکن حال ہی میں وہ اس وقت خبروں میں ایک بار نمایاں ہوگئے جب اسٹاک مارکیٹ میں ایمزون کے حصص کی مالیت بڑھنے سے اس کے سی ای او جیف بیزوس اچانک بل گیٹس کو پیچھے چھوڑتے ہوئے دنیا کے امیر ترین شخص بن گئے۔ اس واقعہ کو دنیا بھر نمایاں انداز میں پیش کیا گیا۔ لیکن جیف بیزوس صاحب کی یہ خوشی عارضی ثابت ہوئی اور بل گیٹس ایک بار پھر دنیا کے امیر ترین شخص بن گئے۔

اس کی وجہ بھی حصص مارکیٹ کا اتار چڑھاؤ تھا۔ جیف بیزوس اب دنیا کے دوسرے امیر ترین شخص ہیں۔

بل گیٹس کے حوالے سے تازہ ترین خبر یہ ہے کہ جناب سے فیس بک کی ملکیتی کمپنی انسٹا گرام پر اکاؤنٹ بنا لیا ہے۔ یہ پلیٹ فارم تصاویر شیئر کرنے کے لیے معروف ہے۔

بل گیٹس نے اپنا اکاؤنٹ thisisbillgates کے نام سےبنایا ہے۔

(جاری ہے)

اگر آپ بھی انسٹا گرام استعمال کرتے ہیں تو انہیں اس ربط کے ذریعے فولو کرسکتے ہیں۔

اپنے انسٹا گرام اکاؤنٹ پر انہوں نے فی الحال اپنے فلاحی ادارے بل اینڈ ملینڈا گیٹس فاؤنڈیشن کی سرگرمیوں کی تصاویر شیئر کی ہیں۔

دلچسپ بات یہ ہے کہ انہوں نے اب تک صرف ایک پوسٹ کی ہے اور اکاؤنٹ کو بنے ہوئے ابھی چند ہی گھنٹے ہوئے ہیں اس کے باوجود بل گیٹس نے فولورز کی تعداد کے اعتبار سے جیف بیزوس کو انسٹا گرام پر بھی مات دے دی ہے۔ جیف بیزوس کے فولورز کی تعداد 30 ہزار ہے جبکہ بل گیٹس کے فولورز کی تعداد48 ہزار کو تجاوز کرچکی ہے۔

تاریخ اشاعت: 2017-08-21