you can not block markzukerberg or priscilla chan

مارک زکر برگ کو فیس بک پر بلاک کیوں نہیں کیا جاسکتا؟

مارک زکربرگ اور ان کی اہلیہ پرسیلا چین کی فیس بک پروفائلز بہت خاص ہیں اور ان کی پروفائلز میں کچھ چیزیں بہت ہی انوکھی ہیں۔ یہ بات کئی بار سامنے آ چکی ہے کہ ان دونوں کو فیس بک پر بلاک نہیں کیا جاسکتا۔ یعنی جس طرح آپ کسی تنگ کرنے والے شخص کو اپنی فیس بک پروفائل دیکھنے یاآپ سے رابطہ کرنے سے روکنے کے لیے اسے بلاک کرسکتے ہیں، ایسے آپ مارک زکربرگ یا ان کی اہلیہ کو بلاک نہیں کرسکتے۔

آپ بھی سوچتے ہوں گے کہ وہ تو فیس بک کے مالک ہیں، انہوں نے ضرور کچھ ایسا کررکھا ہوگا جس سے ان کی پروفائل بلاک نہیں ہوسکتی۔ لیکن، اس کی اصلی وجہ جان کر آپ بھی حیران رہ جائیں گے۔
مارک زکربرگ یا پرسیلا چین کی پروفائل پر جاکر آپ اگر انہیں Block کرنے کی کوشش کرتے ہیں تو آپ کو فیس بک بتاتا ہے کہ ایسا کرنا فی الحال ممکن نہیں۔

(جاری ہے)

دراصل، ایسا اس لئے ہے کہ مارک اور پرسیلا چین کو اتنی بار بلاک کیا جا چکا ہے کہ فیس بک نے ان کی پروفائلز کے لیے یہ فیچر ہی بند کردیا ہے۔

مارک زکربرگ اپنے ذاتی فیس بک صفحے پر فیس بک کے حوالے سے اپ ڈ یٹس، اپنی ذاتی زندگی سے متعلق خبریں یا کبھی کبھار بین الاقوامی مسائل پر اپنے خیالات کا اظہار کرتے ہیں۔چونکہ مارک زکربرگ اور پرسیلا چین بڑی شخصیت ہیں، اس لیے ان کے صفحات (جو کہ ان کی پروفائلز بھی ہیں) پر شائع کی گئی تحریروں کو پسند کرنے والوں کی تعداد اگر زیادہ ہے تو انہیں ناپسند کرنے والے بھی کم نہیں ہیں جو انہیں بلاک کرنے کی کوشش کرتے ہیں۔

یہ کوشش اتنی بار کی جاچکی ہے کہ فیس بک نے دونوں کے لیے یہ فیچر ہی بند کردیا ہے۔
یہ بات بھی دلچسپی سے پڑھی جائے گی کہ ایک ایسی ویب سائٹ بھی موجود ہے جو صرف یہ بتانے کے لیے بنائی گئی ہے کہ مارک زکربرگ کو بلاک نہیں کیا جاسکتا ہے۔
تاہم فیس بک کا کہنا ہے کہ ان دونوں کے ساتھ کوئی خصوصی سلوک نہیں کیا جارہا بلکہ ہر وہ فیس بک اکاؤنٹ جسے بڑی تعداد میں بلاک کرنے کی کوشش کی جاتی ہے، اس کے لیے بلاک کا فیچر غیر فعال کردیا جاتا ہے۔