پنجاب سمیت ملک کے مختلف حصوں میں موسم سرما کی پہلی بارش سے سردی میں اضافہ ،
دھند اور اسموگ چھٹنا شروع سند ھ ، بلوچستان ، خیبر پختونخواہ کے مختلف علاقوں میں بھی بارش سے معمولات زندگی متاثر ، زیارت میں برفباری کے بعد ہر سو سفیدی چھا گئی اسکردو میں درجہ حرارت منفی پانچ ڈگری سینٹی گریڈ تک گرگیا، بارش کے بعد کئی علاقوں کے فیڈرٹرپ کرجانے سے بجلی کی فراہمی معطل ہوگئی شدید دھند کے باعث لاہور ایئرپورٹ پر پروازوں کا شیڈول شدید متاثر ،موٹر وے کئی مقامات سے بند ، ٹرینیں بھی سست روی کا شکار رہیں محکمہ موسمیات کی آئندہ دو روز کے دوران خیبرپختونخوا، فاٹا، اسلام آباد، بالائی پنجاب، کشمیر، گلگت بلتستان میں کہیں کہیں گرج چمک کیساتھ بارش ،پہاڑوں پر برفباری کی پیشگوئی شہری علاقوں میں چھائی ہوئی سموگ رواں ہفتے بارش اور درجہ حرارت میں کمی کے باعث بتدریج ختم ہو جائے گی‘ محکمہ موسمیات
منگل 14 نومبر 2017 14:45
(جاری ہے)
بعض علاقوں میں تیز بارش اور کئی مقامات پر ہلکی بوندا باندی ہوئی جس سے سردی میں اضافہ ہوگیا اور اسموگ کم ہونے لگی ہے۔
پنجاب بھر میں کئی روز سے دھند اور گرد و غبار کے بادل چھائے ہوئے تھے جس کی وجہ سے شہریوں کو شدید پریشانی کا سامنا تھا اور معمولات زندگی بھی متاثر ہو رہے تھے۔ اسموگ ختم ہونے کے لیے شہری بے چینی سے بارش کا انتظار کررہے تھے۔لاہور، جھنگ، چیچہ وطنی، رحیم یار خان ، پاکپتن، شیخوپورہ، بہاولپور ، فیصل آباد، ننکانہ صاحب، مظفر گڑھ ، لودھراں ، احمد پور شرقیہ ، اوکاڑہ، بہاولنگر ،اوچ شریف اور فاروق آباد میں ہلکی بارش اور بوندا باندی سے موسم خوش گوار ہوگیا جبکہ دھند کی شدت میں کمی ہوگئی۔ ادھر ٹوبہ ٹیک سنگھ، بھکر اور ملتان میں 2گھنٹوں تک موسلادھار بارش سے موسم سرد ہوگیا۔محکمہ موسمیات کے مطابق بہاولپور میں 3، بھکر میں 7، ڈیرہ غازی خان میں 12، جھنگ میں ایک ملی میٹر بارش ریکارڈ کی گئی ۔اسی طرح خانپور میں 9 ، کوٹ ادو میں 10، لیہ میں 15اور ملتان میں7ملی میٹر بارش ریکارڈ کی گئی جس کے بعد سردی کی شدت میں اضافہ ہوگیا۔ساہیوال، رحیم یار خان، وہاڑی، چیچہ وطنی اور گرد و نواح میں موسم سرما کی پہلی بارش کے بعد سردی میں اضافہ ہوگیا ۔ملک کے مختلف علاقوں میں بارش کے بعد بجلی کا نظام بھی متاثر ہوا اور فیڈرٹرپ کرجانے سے بجلی کی فراہمی معطل ہوگئی ۔رات کو شدید دھند اور سموگ کے باعث معمولات زندگی شدید متاثر ہوئے ،علامہ اقبال انٹرنیشنل ایئرپورٹ لاہور پر پروازوں کا شیڈول بھی شدید متاثر ہوا ،کئی ملکی اور غیر ملکی فلائٹیں منسوخ کردی گئیں ، ٹرینوں کی یں تاخیرسے مسافروں کو شدید پریشانی کا سامنا کرنا پڑا۔موٹر وے کو بھی دھند کی وجہ سے کئی مقامات سے بند کردیا گیا ۔حد نگاہ صفر ہونے پر موٹروے کو بھی کئی مقامات سے بند کردیا گیا ۔ ایم تھری پنڈی بھٹیاں سے فیصل آ باد، ایم فورکو فیصل آباد سے گوجرہ تک،ایم ٹو بابو صا بو لاہور سے کوٹ مومن تک موٹروے کو بند کردیا گیا ۔ترجمان موٹروے پولیس کا کہنا ہے کہ شہری سموگ و دھند کے دوران غیر ضروری سفر سے گریز کریں اور ضروری سفر کے دوران جی ٹی روڈ کا استعمال کریں اور دوران سفر جی ٹی روڈ پر بھی گاڑی کی رفتار کو انتہائی کم رکھیں، شہری اپنی گاڑی کے وائپر اور ہیڈلائٹس درست حالت میں رکھیں تاکہ ان کا سفر محفوظ رہ سکے۔سندھ کے بیشترشہروں میں موسم سرما کی پہلی بارش کا آغاز ہوگیا،سکھرمیں بارش سے سردی بڑھ گئی ۔ جیکب آباد اورگردونواح میں گرج چمک کے ساتھ بارش ہوئی۔ لاڑکانہ میں رم جھم برسنے سے نشیبی علاقوں میں پانی جمع ہوگیا۔ مٹیاری میں بادل خوب جم کربرسے ۔ گھوٹکی میں بارش کے بعد شہریوں کے چہرے کھل اٹھے ۔ سانگھڑ ، کندھ کوٹ ، تنگوانی ، شکارپور سمیت کئی شہروں میں بارش کا سلسلہ وقفے وقفے سے جاری رہا۔ نوشہروفیروز اور میہڑ میں بادل خوب گرج چمک کر برسے۔ شہدادکوٹ کے باسی بارش ہونے پر خوش ہوئے ۔دوسری طرف زیارت میں برفباری کے بعد ہر سو سفیدی چھا گئی ۔ بلوچستان کے دیگر علاقوں میں بارش سے سردی کی شدت میں اضافہ ہوگیا،اسکردو میں درجہ حرارت منفی پانچ ڈگری سینٹی گریڈ تک گرگیا۔خیبرپختونخوا کے ضلع ڈیرہ اسماعیل خان کے مختلف علاقوں میں بھی گرج چمک کیساتھ بارش ہوئی، جس سے اسموگ اوردھند میں کمی ہو گئی۔ جبکہ جنوبی وزیرستان کے علاقے شوال اور مکین میں تیز بارش اور برفباری سے موسم شدید سرد ہوگیا۔ ڈی آئی خان میں بھی رات سے ہلکی بارش کا سلسلہ وقفے قفے سے جاری رہا۔محکمہ موسمیات نے آئندہ دو روز کے دوران خیبرپختونخوا، فاٹا، اسلام آباد، بالائی پنجاب، کشمیر، گلگت بلتستان میں کہیں کہیں گرج چمک کیساتھ بارش اور پہاڑوں پر برفباری کی پیشگوئی کر دی جبکہ جنوبی پنجاب میں چند مقامات پر بارش کا امکان ہے۔ شہری علاقوں میں چھائی ہوئی سموگ رواں ہفتے بارش اور درجہ حرارت میں کمی کے باعث بتدریج ختم ہو جائے گی۔ محکمہ موسمیات کے مطابق لاہور میں ہلکی بوندا باندی کا سلسلہ جاری ہے جو آئندہ 24 گھنٹے تک جاری رہنے کا امکان ہے جب کہ بارش کے بعد شہر میں دھند کی شدت میں کمی واقع ہوئی ہے۔Browse Latest Weather News in Urdu
آئندہ چوبیس گھنٹوں کے دوران ملک کے بیشتر علاقوں میں موسم خشک رہنے کا امکان
رواں سال کا مکمل گلابی چاند پاکستانی وقت کے مطابق کب دیکھنا ممکن ہو گا؟
مغربی ہوائوں کا سلسلہ (کل) پاکستان میں داخل ہو کر بارشیں برسائے گا
آئندہ چوبیس گھنٹوں کے دوران لاہور سمیت پنجاب کے بیشترشہر وں میں موسم خشک اور گرم رہے گا،محکمہ موسمیات
بلو چستان میں کل سے مغربی ہوائوں کا ایک طاقتورسسٹم داخل ہو گا
لاہورسمیت پنجاب کے مختلف شہروں میں بارش
بارشوں کا نیا سلسلہ ملک میں داخل ہو گیا
اسلام آباد سمیت خطہ پوٹھوہار، کشمیر، گلگت بلتستان، بالائی خیبر پختونخوا اور ملحقہ پہاڑی علاقوں میں ..
آئندہ چوبیس گھنٹوں کے دوران بلوچستان کے بیشتر اضلاع میں موسم خشک رہنے کا امکان
آئندہ چوبیس گھنٹوں کے دوران ملتان اور مضافات میں مطلع ابرآلودرہنے ، گرج چمک کے ساتھ بارش کاامکان ہے ..
آئندہ چوبیس گھنٹوں کے دوران لاہور سمیت پنجاب کے بیشترشہر وں میں موسم خشک اور گرم رہے گا،محکمہ موسمیات
بلوچستان کے بیشتر اضلاع میں موسم خشک رہنے کا امکان ہے، محکمہ موسمیات
ملک کے بیشتر علاقوں میں موسم خشک اور جنوبی عللاقوں میں گرم رہنے کا امکان ہے ، محکمہ موسمیات
ایمرٹس ائیرلائن اور فلائی دبئی کا فلائٹ آپریشن مکمل طور پر بحال ہو گیا
لاہور میں سورج کی تپش سے گرمی کا زور بڑھ گیا
موسم کی صورتحال اور پی ڈی ایم اے و ضلعی انتظامیہ کے امدادی سرگرمیاں
لاہور سمیت پنجاب کے بیشتر شہر وں میں موسم خشک و گرم رہنے کا امکان ہے، محکمہ موسمیات
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو ..
پاکستان میں بارشوں کاحالیہ سلسلہ 22 اپریل تک وقفے وقفے سے جاری رہنے کا امکان
بارشیں برسانے والے نئے سسٹم کی پنجاب میں داخل ہونے کی پیشگوئی
پنجاب میں 23 اپریل سے بارشوں کا نیا سلسلہ داخل ہو گا
بہاول پور، پنجاب میں طوفانی بارشوں کے سلسلے کے الرٹ جاری کرنے کامعاملہ
بارش کاسلسلہ وقفے وقفےسےجاری،شہری نقصان کی صورت ضلعی انتظامیہ سے رابطہ کریں،ڈپٹی کمشنر پشاور
بلوچستان میں طوفانی بارشوں کے باعث ڈیم ٹوٹ گیا