بھمبر میں موسلا دھار بارش گلیوں میں پانی رواں ، بارش کے بعد شہر سے بجلی غائب

بھمبر (اُردو پوائنٹ اخبارتازہ ترین۔ 11 ستمبر2018ء) بھمبر میں موسلا دھار بارش گلیوں میں پانی رواں ، بارش کے بعد شہر سے بجلی غائب ، آدھے سے زیادہ شہر کی بجلی دن بھر نا آسکی ، شہری پریشان ، تفصیلات کے مطابق بھمبر اور گردونواح میں سوموار اور منگل کی رات اچانک بارش شروع ہوئی جس نے بعد میں زور پکڑ لیا گرج چمک کے ساتھ ہونے والی بارش میں صبح چار بجے بجلی بند ہو گئی جو گھنٹوں بند رہنے کے بعد شہر کے کچھ حصے کی بحال ہو ئی جبکہ آدھے سے زیادہ شہر میں بجلی دن ایک بجے تک نہ آسکی جسکی وجہ سے شہری پریشان رہے اور کاروبار زندگی متاثر ہوا بارش کی وجہ سے گلیاں پانی سے بھر گئیں اور بڑی مقدار میں پانی گلیوں سے گزرتا رہا جس کی ایک فائدہ یہ ہوا کہ نالیوں کی صفائی قدرتی طور پر ہو گئی اور بلدیہ کی طرف سے ناقص صفائی اللہ نے بارش برسا کے کر دی بارش کی وجہ سے موسم خوشگوار ہو گیا جس کے بعد بجلی کے وولٹج میں بھی نمایاں اضافہ ہوا ۔

Your Thoughts and Comments