محکمہ ماحولیات نے صنعتی اداروں کی آلودگی کنٹر ول کرنے کیلئے اقدامات کاآغاز کردیا، صنعتکاروں کو بھی فضائی ، ماحولیاتی ،آبی آلودگی کنٹرول کرنے کیلئے تعاون کی ہدایت

فیصل آباد (اُردو پوائنٹ اخبارتازہ ترین۔ 11 جنوری2019ء):محکمہ ماحولیات فیصل آباد نے صنعتی اداروں کی آلودگی کنٹرول کرنے کیلئے اقدامات کاآغاز کردیاہے اور صنعتکاروں کو بھی فضائی ، ماحولیاتی ،آبی آلودگی کنٹرول کرنے کیلئے تعاون کی ہدایت کی ہے ۔ محکمہ ماحولیات کے ذرائع نے بتایاکہ اس ضمن میں محکمہ کے افسران اورمختلف صنعتی تنظیموں کے عہدیداران وممبران کی ملاقات بھی ہوئی ہے جس میں انہیں بتایاگیاہے کہ جدید دور کے تقاضوں کے مطابق ماحولیاتی آلودگی کے کنٹرول کی اشد ضرورت ہے کیونکہ دنیا بھر میں اس کو فوکس کیا جا رہا ہے جبکہ محکمہ ماحولیات انڈسٹری کو بند کرنے کی بجائے آلودگی کنٹرول کرنے میں ان کی مدد کرنا چاہتا ہے اس لئے جس حد تک ممکن ہو سکا پروسیسنگ انڈسٹری کو معاونت فراہم کر کے ملکی معیشت میں ترقی کیلئے راہ ہموار کی جائیگی ۔

(جاری ہے)

انہوں نے کہا کہ ماحولیاتی آلودگی کے کنٹرول کے پس پر دہ عوام کی صحت سے ٹیکسٹائل اداروں میں لیکوڈ، سالڈ ویسٹ اور ائیر سے متعلقہ وہ ذرائع جن سے ماحولیات میں آلودگی پھیلتی ہے اس کا اثر براہ راست عوام تک پہنچتا ہے اور ان کے احتجاج کی روشنی میں مجبوراً محکمہ کو کاروائی کرنا پڑتی ہے مگر اس حقیقت سے بھی انکار ممکن نہیں کہ صنعتی شعبہ کے لوگ خود بھی ان سے متاثر ہوتے ہیںلہٰذا ضروری ہے کہ حفاظتی اقدامات پر بھر پور انداز سے عمل کیا جائے تاکہ انڈسٹری بھی چلتی رہے اور عوام کی صحت کو مسائل بھی لاحق نہ ہوں۔

Your Thoughts and Comments