آئندہ چار روز کے دوران ملک کے بالا ئی علاقوں میں بارش کا امکان ہے، محکمہ موسمیات

اسلام آباد ۔ (اُردو پوائنٹ اخبارتازہ ترین - اے پی پی۔ 14 مئی2019ء) آئندہ چار روز کے دوران خیبرپختونخوا، پنجاب، اسلام آباد، بلوچستان، بالائی سندھ، گلگت بلتستان اور کشمیر میں کہیں کہیں پر تیز ہوائوں/آندھی اور گرج چمک کے ساتھ بارش کا امکان ہے۔ محکمہ موسمیات کے مطابق بدھ سے جمعرات کے دوران مکران، قلات، ژوب اور ڈی جی خان ڈویژن میں چند مقامات پر موسلادھار بارش کا بھی امکان ہے، اس دوران جمعرات سے جمعہ کے دوران سندھ، مکران کے ساحلی علاقوں اور کراچی میں مطلع جزوی ابرآلود رہنے کے ساتھ تیز ہوائوں/آندھی اور گرج چمک کے ساتھ ہلکی بارش کی بھی توقع ہے، اس دوران ملک کے مختلف علاقوں میں دن کے درجہ حرارت میں معمول سے 04 سے 06 ڈگری کمی کی پیشنگوئی کی گئی ہے۔

گزشتہ 24 گھنٹوں کے دوران راولپنڈی، گوجرانوالہ، لاہور، مالاکنڈ، ہزارہ ڈویژن، اسلام آباد اور کشمیر میں کہیں کہیں جبکہ فیصل آباد، سرگودہا، ساہیوال، بہاولپور، ڈی جی خان، مکران ڈویژن اور گلگت بلتستان میں چند مقامات پر تیز ہواوں/آندھی اور گرج چمک کے ساتھ بارش ہوئی۔

(جاری ہے)

سب سے زیادہ بارش ڈی جی خان 14، قصور 09، منڈی بہائوالدین 08، ٹوبہ ٹیک سنگھ، مری، بہاولنگر 07، لاہور، ساہیوال 04، گوجرانوالہ 03، حافظ آباد، سیالکوٹ 02، نارووال، منگلا، سرگودہا، اسلام آباد، راولپنڈی 01، دیر 06، سیدو شریف، کاکول، بالاکوٹ 03 ، گڑھی دوپٹہ 06، مظفر آباد 03، بگروٹ 01، لسبیلہ میں 02 ملی میٹر بارش ریکارڈ کی گئی۔

ملک کے دیگر علاقوں میں موسم گرم اور خشک رہا۔ منگل کو ملک میں زیادہ سے زیادہ درجہ حرارت دادو 47 ، شہید بینظرآباد 46، پڈعیدن اور موہنجوداڑو میں 44 ڈگری سینٹی گریڈ ریکارڈ کیا گیا۔

Your Thoughts and Comments