آئندہ چار روز کے دوران لاہور سمیت ملک کے بیشتر علاقوں میں بارش کا امکان

آئندہ چار روز کے دوران لاہور سمیت ملک کے بیشتر علاقوں میں بارش کا امکان
لاہور (اُردو پوائنٹ اخبارتازہ ترین - اے پی پی۔ 15 مئی2019ء) محکمہ موسمیات نے آئندہ چار روز کے دوران ملک کے مختلف علاقوں لاہور، راولپنڈی، گوجرانوالہ، سرگودھا، فیصل آباد، ساہیوال، ملتان، ڈی جی خان، بہاولپور،خیبرپختونخوا کے مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویثزن، اسلام آباد، بلوچستان کے کوئٹہ، ڑوب، قلات، مکران، سبی، نصیرآباد ڈویثزن، بالائی سندھ کے سکھر، لاڑکانہ، شہیدبینطیرآباد ، گلگت بلتستان اور کشمیر میں کہیں کہیں آندھی اور گرج چمک کے ساتھ بارش کی پیشگوئی کی ہے ۔

محکمہ موسمیات کے مطابق آئندہ چوبیس گھنٹوں کے دوران مکران، قلات، ژوب اور ڈی جی خان ڈویژن میں چند مقامات پر موسلا دھار بارش شروع ہو نے کا امکان ہے۔جمعرات سے جمعتہ المبارک کے دوران سندھ، مکران کے ساحلی علاقوں اورکراچی میں مطلع جزوی طور پر ابرآلود رہنے ،آندھی اور گرج چمک کے ساتھ ہلکی بارش کا امکان ہے۔

(جاری ہے)

اس دوران ملک کے مختلف علاقوں میں دن کے درجہ حرارت میں معمول سے 04 سی06ڈگری کمی کی پیشگوئی کی گئی ہے۔

گزشتہ روزریکارڈ کئے گئے گرم ترین مقامات کے درجہ حرارت کے مطابق دادو47، شہید بینظرآباد46، پڈعیدن اور موہنجوداڑو44 ڈگری سینٹی گریڈ ریکارڈ کیا گیا،جبکہ لاہور ، فیصل آباد ،ملتان اور سرگودھا میں 36 ، اسلام آباد34، کراچی اور پشاور35 اور کوئٹہ میں31 سینٹی گریڈ ریکارڈ کیا گیا۔

Your Thoughts and Comments