حکومت میں اعلی عہدوں پرپہلی مرتبہ پختونوں کونمائندگئی دی گئی ہے،بعض عناصرپختونوں میں ناامیدی پھیلانے کی کوشش کررہے ہیں باشعورپختون ان کے ہتھکنڈوں میں نہیں آئیں گے

سپیکرقومی اسمبلی اسد قیصر کا گاڑ مینارگاؤں صوابی میں 85ملین روپے کے سوئی گیس منصوبے کی تقریب سے خطاب

اسلام آباد ۔ (اُردو پوائنٹ اخبارتازہ ترین - اے پی پی۔ 16 جون2019ء) سپیکرقومی اسمبلی اسد قیصرنے کہاہے کہ حکومت میں اعلی عہدوں پرپہلی مرتبہ پختونوں کونمائندگئی دی گئی ہے،بعض عناصرپختونوں میں ناامیدی پھیلانے کی کوشش کررہے ہیں باشعورپختون ان کے ہتھکنڈوں میں نہیں آئیں گے،اسی بنیاد پرپاک فوج کیخلاف ایک گھناؤنی مہم چلائی جارہی ہے،اس ملک کے استحکام اوردفاع کا واحد ادارہ پاک فوج ہے۔

یہاں موصول ہونے والی پریس ریلیز کے مطابق ان خیالات کااظہارانہوں نے گاڑ مینارگاؤں صوابی میں 85ملین روپے کی لاگت سے مکمل ہونے والے سوئی گیس منصوبے کے بعدایک تقریب سے خطاب کرتے ہوئے کیا۔انہوں نے کہاکہ پاک فوج نے اس چمن کی آبیاری اپنے لہوسے کی ہے،دہشت گردی کی عفریت کوختم کرنے کیلئے جان کے نذرانے پیش کئے،پاکستان کے عوام دشمن کے چال میں آنے والے نہیں بلکہ دشمن کے ارادوں کوبھی جانتے ہیں اورانہیں سبق سکھانابھی جانتے ہیں،دشمن یادرکھے پاکستان کابچہ بچہ فوجی ہے اورفوج کے حمایتی ہے،دشمن کیخلاف فوج کے شانہ بشانہ کھڑے ہوکرسیسہ پلائی دیوارکی کرداراداکریگی عوام۔

(جاری ہے)

انہوں نے کہاکہ پاکستان ایک ایٹمی طاقت جودشمن کی آنکھوں میں کانٹے کی مانندچھب رہاہے اورپاکستان کوکمزورکرنے کیلئے پاک آرمی کیخلاف من گھڑت پروپیگنڈے کررہاہے،فوج کیخلاف پروپیگنڈہ دشمنوں کی سازش ہے اورپاکستان میں بھی شام اورلیبیا جیسی فسادات شروع کرنے کیلئے طاق میں بیٹھاہے مگرہم سے نے مل کرنہ صرف اس سازش کوناکام بناناہے بلکہ ہرمحاذپرفوج کے شانہ بشانہ کھڑے ہوکردشمن کامقابلہ کرناہے۔

Your Thoughts and Comments