اسلام آباد، راولپنڈی ، کشمیر اور گلگت بلتستان میں ( کل) چند مقامات پر بارش کا امکان ہے،محکمہ موسمیات

اسلام آباد ۔ (اُردو پوائنٹ اخبارتازہ ترین - اے پی پی۔ 07 ستمبر2019ء)محکمہ موسمیات نی( کل) اتوار کو اسلام آباد، راولپنڈی،سرگودھا، فیصل آباد، ساہیوال، مالاکنڈ، ہزارہ، کوہاٹ، میرپورخاص ڈویژن،کشمیر اور گلگت بلتستان میں چند مقامات پر تیز ہواوں اور گرج چمک کیساتھ بارش کا امکان ظاہر کیا ہے۔ملک کے دیگر علاقوں میں موسم گرم اور مرطوب رہیگا۔

محکمہ موسمیات کی جاری رپورٹ کے مطابق ہفتہ(رات) راولپنڈی،گوجرانوالہ، لاہور، سرگودھا، فیصل آباد، بہاولپور، مالاکنڈ، ہزارہ، مردان، پشاور،کوہاٹ،سبی، میرپورخاص، حیدر آباد ڈویژن، اسلام آباد ،کشمیر اور گلگت بلتستان میں چند مقامات پر تیز ہواوں اور گرج چمک کیساتھ بارش کا امکان ہے۔ملک کے دیگر علاقوں میں موسم گرم اور مرطوب رہیگا۔

(جاری ہے)

گزشتہ 24 گھنٹوں کے دوران ملک کے بیشتر علاقوں میں موسم گرم اور مرطوب رہا۔تاہم راولپنڈی،گوجرانوالہ،سرگودھا، مالاکنڈ، ہزارہ ڈویڑن،کشمیر اور اسلام آباد میں کہیں کہیں پر گرج چمک کے ساتھ بارش ہوئی۔سب سے زیادہ بارش پنجاب:چکوال29، منڈی بہاوٰالدین، منگلہ 24، اسلام آباد(زیروپوائنٹ 22، سیدپور 10،گولڑہ 06،ائیر پورٹ 05، بوکرہ 03)،سرگودھا15، گجرات 12، مری 09،جہلم 08، اٹک 07، راولپنڈی(چکلالہ 07، شمس آباد 06)، سیالکوٹ(ائیر پورٹ06)،جوہر آباد 05، لاہور (ائیرپورٹ 04)،کشمیر:کوٹلی 13، گڑھی دوپٹہ 04، مظفرآباد ( ائیرپورٹ03) خیبر پختونخوا:دیر 19،کالام، میر کھانی 03، کاکول اور بالاکوٹ میں 01 ملی میٹر بارش ریکارڈ کی گئی۔

ہفتہ کوریکارڈ کیے گئے گرم ترین مقامات کیدرجہ حرارت: تربت47، دادو، سکھر45 اور سبی میں 44 ڈگری سینٹی گریڈ ریکارڈ کیا گیا۔

Your Thoughts and Comments