سرگودھا اور گردونواح سمیت ریجن بھر میں سیاہ بادل کیساتھ موسلادھاربارش سے آمدورفت اور سرگودھا شہر سمیت کئی علاقوں بجلی کا نظام معطل رہا

سرگودھا(اُردو پوائنٹ اخبارتازہ ترین - این این آئی۔ 03 اکتوبر2019ء)سرگودھا اور گردونواح سمیت ریجن بھر میں سیاہ بادل کے ساتھ موسلادھاربارش سے آمدورفت اور سرگودھا شہر سمیت کئی علاقوں بجلی کا نظام معطل رہا۔زرائع کے مطابق سرگودھا اور گردونواح سمیت ریجن بھر میں موسلادھار بارش اور زالہ باری کا سلسلہ جاری رہا جس کے باعث سرگودھا شہر سمیت کئی علاقوں میں بجلی بند اور آمدورفت کا نظام معطل رہا ۔

(جاری ہے)

کالے سیاہ بادلوں کے ساتھ بارش اور زالہ باری سے جگہ جگہ پانی کھڑا ہونے اور بجلی کی سپلائی معطل رہنے سے لوگوں کو مشکلات کا سامنا کرنا پڑا۔تیزہواوں کے ساتھ موسلادھار بارش اور زالہ باری سے موسم خوسگوار اورٹھنڈا ہو گیا۔بارش کے باعث سڑکیں اور بازار سنسان ہو گے اور آسمان پر چھائے گہرے کالے سیاہ بادلوں کے باعث دن کے وقت رات کا سماں رہا۔موسلادھار بارس سے گرمی کا زور ٹوٹ گیا اورموسم ٹھنڈا ہونے سے شہریوں کے چہرے کھل اٹھے۔اور لوگ اسے موسم کی تبدیلی کی بارش قرار دیتے رہے۔ایک گھنٹے سے زائد جاری بارش کا سلسلہ تھم جانے کے باوجود بجلی معطل رہی اور نظام زندگی ٹھپ ہو کر رہ گیا۔

Your Thoughts and Comments