چترال میں موسم سرما کی پہلی بارش ،پہاڑوں پربرفباری ، لوگوں نے گرم لباس کا استعمال شروع کردیا

چترال میں موسم سرما کی پہلی بارش ،پہاڑوں پربرفباری ، لوگوں نے گرم لباس ..
چترال(اُردو پوائنٹ اخبارتازہ ترین - این این آئی۔ 05 اکتوبر2019ء) وادی چترال میں موسم سرما کی پہلی بارش اورپہاڑوں پربرفباری کے بعد علاقے میں سردی کا آغاز ہو گیا ہے جس کے بعد لوگوں نے گرم لباس کا استعمال شروع کر دئیے ہیں۔طویل موسمی خشکی کے بعد گذشتہ روزسے وادی چترال میں وقفے وقفے سے بارشوں اور پہاڑوں پر برف باری سے سردی میں اضافہ ہو گیا ہے۔

(جاری ہے)

گرمائی چراگاہوں میں مقیم بکری پال خاندان اچانک موسم کی تبدیلی سے سخت مشکلات سے دوچار ہو گئے ہیں۔ مہنگائی سے پریشان حال عوام نے سردی کا مقابلہ کرنے کے لئے لنڈا بازار کا رخ کر دئیے ہیں۔اطلاعات کے مطابق وادی بروغل میں تقریباً ایک فٹ اور شاہ سدیم میںدس انچ برف پڑی ہے جبکہ چترال شہر کے اطراف کے پہاڑوں نے برف کی سفید چادر اوڑھ لی ہے۔ گھر کی ضرورتیںپوری کرنے کے لئے گیس اور جلانے کی لکڑی کی آسمان سے باتین کرتی قیمتیں عوام کا ہوش اُڑا دیا ہے۔

Your Thoughts and Comments