آسٹریلیا میں خشک سالی اور درجہ حرارت میں اضافہ ، رواں سال موسم بہار ملک کی 120 سالہ تاریخ کا خشک اور5 واں گرم ترین موسم رہا

سڈنی (اُردو پوائنٹ اخبارتازہ ترین - اے پی پی۔ 02 دسمبر2019ء) آسٹریلیا میں خشک سالی اور درجہ حرارت میں اضافہ کے باعث رواں سال موسم بہار ملک کی 120 سالہ تاریخ کا خشک اور5 واں گرم ترین موسم رہا۔ آسٹریلیا کے بیورو آف میٹرولوجی نے بتایا کہ موسم بہار کے اختتام پر آسٹریلیا کے زیادہ تر حصوں میں اوسط سے بھی کم بارش ہوئی جبکہ وسط نومبر میں مغربی آسٹریلیا میں زیادہ سے زیادہ درجہ حرارت 47.1 ڈگری ریکارڈ کیا گیا جس کے باعث موسم بہار رواں سال کا خشک اور 5 واں گرم ترین موسم رہا۔

(جاری ہے)

رپورٹ کے مطابق موسم بہار میں آسٹریلیا کے زیادہ تر حصوں میں اوسط سے بھی حد درجہ کم بارش ہوئی اور مجموعی طور پر یہ آسٹریلیا کا خشک ترین موسم رہا جس کے باعث مشرقی آسٹریلیا کی نہ صرف آب و ہوا اور شہریوں پر منفی اثرات مرتب ہو رہے ہیں بلکہ خشک اور گرم موسم کے باعث پانی کی کمی کی وجہ سے زراعت کا شعبہ بھی متاثر ہو رہا ہے، بارشیں نہ ہونے کی وجہ سے آسٹریلیا کے شہر سڈنی میں 2020 کے آغاز تک پانی کی سپلائی 40 فیصد سے بھی نیچے گر سکتی ہے۔ رپورٹ کے مطابق آسٹریلیا کی ریاست نیو سائوتھ ویلز اور کوئنز لینڈ میں آگ لگنے کے واقعات کی بڑی وجہ بھی شدید خشک سالی اور درجہ حرارت میں اضافہ ہے۔

Facebook Twitter Google + Share on Whatsapp

آسٹریلیا میں خشک سالی اور درجہ حرارت میں اضافہ ، رواں سال موسم بہار ملک کی 120 سالہ تاریخ کا خشک اور5 واں گرم ترین موسم رہا

Your Thoughts and Comments

مزید موسم کی خبریں