اسلام آباد سمت ملک کے مختلف شہروں میں موسم سرما کی پہلی بارش، ٹھنڈ میں اضافہ ہوگیا

اسلام آباد۔14نومبر  (اُردو پوائنٹ اخبارتازہ ترین - اے پی پی۔ 14نومبر2020ء):وفاقی  دارلحکومت  اسلام آباد سمت  ملک کے مختلف شہروں  میں  ہفتہ کو موسم سرما کی  پہلی بارش ہوئی ، محکمہ موسمیات نے آج  اتوار کو اسلام آباد،بالائی /وسطی پنجاب، گلگت بلتستان، کشمیر اور خیبر پختونخوا میں گرج چمک کے ساتھ بارش اور پہاڑوں پر برفباری کا امکان  ظاہر کیاہے۔

اس دوران جنوبی پنجاب کے بعض علاقوں میں بھی مطلع جزوی ابر آلود رہنے کے ساتھ ہلکی بارش کی توقع ہے۔ہفتہ کو محکمہ موسمیات کی جاری رپورٹ کے مطابق گذشتہ 24 گھنٹے کے دوران خیبر پختونخوا، شمال مغربی بلوچستان ،اسلام آباد، خطۂ پوٹھوہار، کشمیر اور گلگت بلتستان میں بارش ہوئی۔ اس دوران کالام میں برفباری بھی ریکارڈ کی گئی۔

(جاری ہے)

ملک کےدیگرعلاقوں میں موسم خشک رہا۔

سب سے زیادہ بارش  خیبر پختونخوا: دیر (بالائی 34 ، زیریں 19) ، کالام 24 ، پاراچنار ، مالم جبہ 17 ، چترال 16 ، میر کھانی 14 ، دروش 12 ، سیدو شریف 07 ، پشاور 06 ، تحت بائی 05 ، پٹن ، کاکول 04 ، بالاکوٹ ، بنوں 03 ، چیراٹ 02 ، بلوچستان: کوئٹہ (سمنگلی 07 ، سٹی 06) ، دالبندین 08 ، پشین 03 ، زیارت 02 ، پنجگور 01 ، پنجاب: اٹک 04 ، راولپنڈی (چکلالہ 01) ، مری 01 ،کشمیر: مظفرآباد (ائرپورٹ) 02 اور سٹی میں 01ملی میٹر بارش ریکارڈ کی گئی ۔اس دوران کالام میں 02 انچ برفباری بھی ریکارڈ کی گئی ۔ہفتہ  کوریکارڈ کیےگئےکم سےکم درجہ حرارت: لہہ منفی 06،کالام منفی 02،مالم جبہ 00 اور بگروٹ میں 01 ڈگری سینٹی گریڈریکارڈ کیا گیا۔

Your Thoughts and Comments