شہر قائدمیں رواں ہفتے موسم گرم اور خشک جبکہ ماہِ رمضان میں زیادہ سے زیادہ درجہ36سے37 ڈگری کے درمیان رہیگا،محکمہ موسمیات

شہر قائدمیں رواں ہفتے موسم گرم اور خشک جبکہ ماہِ رمضان میں زیادہ سے ..
کراچی(اُردو پوائنٹ اخبارتازہ ترین - این این آئی۔ 06 اپریل2021ء)محکمہ موسمیات نے کہاہے کہ شہر قائدمیں رواں ہفتے موسم گرم اور خشک رہیگا تاہم ماہِ مبارک میں زیادہ سے زیادہ درجہ 36 سے 37 ڈگری کے درمیان رہنے کا امکان ہے۔اپریل شروع ہوتے ہی گرمی کے پارے نے 40 کا ہندسہ پار کیا تو کراچی والے چکرا کر رہ گئے، ذہنوں میں ایک ہی سوال تھا کہ سورج کے تیور یہی رہے تو رمضان میں کیا ہوگا۔

(جاری ہے)

محکمہ موسمیات کی جانب سے کراچی میں آئندہ 4 سے 5 روز تک موسم گرم اور خشک رہنے کی پیش گوئی کی گئی ہے۔محکمہ موسمیات کے مطابق دن کے اوقات میں درجہ حرارت 37 سی39 ڈگری سینٹی گریڈ رہ سکتا ہے جبکہ بدھ اور جمعرات کو پارہ 36سے 38 ڈگری سینٹی گریڈ تک رہنے کا امکان ہے۔محکمہ موسمیات کے مطابق بلوچستان کی ہوائیں شہر پر اثرانداز ہو سکتی ہیں۔شہر میں جنوب مغرب سے سمندری ہوائیں شام میں بحال ہوجائیں گی۔ لیکن محکمہ موسمیات کے مطابق رمضان کے ابتدائی دس دِن کے دوران کراچی میں ہیٹ ویو کا کوئی امکان نہیں اور پہلے عشرے میں زیادہ سے زیادہ درجہ حرارت 36 سے 37 رہے گا۔

Your Thoughts and Comments