جیکب آباد ،مدرسةالقرآن طالبات سیکشن میں استقبال رمضان اور تقسیم انعامات تجوید القرآن کی تقریب

جیکب آباد(اُردو پوائنٹ اخبارتازہ ترین - آن لائن۔ 12 اپریل2021ء) مدرسةالقرآن طالبات سیکشن کی جانب تقریب استقبال رمضان اور تقسیم انعامات برائے تجوید القرآن منعقد کی گئی. تقریب سے شاہدہ اعجاز پرنسپل مدرسةالقرآن و صوبائی رہنما جماعت اسلامی خواتین صوبہ سندھ نے موجود شرکاء سے اپنے خطاب میں کہا کہ رمضان اور قرآن کا تعلق روح اور جسم کے مانند ہے، جس کو جدا کرنا گویا کہ زندگی کا اختتام ہے ،رمضان المبارک اللہ رب العزت کی جانب سے امت مسلمہ پر رحمت و برکت کی برسات ہے جس میں اللہ تعالیٰ اپنے بندوں سے فرماتا ہے کہ" یہ میرا مہینہ ہے اور اس کا اجر میں خود دوں گا " انہوں نے کہا کہ ویسے تو سب مہینے اللہ تعالیٰ کے ہیں لیکن رمضان المبارک ان تمام مہینوں کا سردار ماہ ہی.

اس ماہ میں نیک افراد کے درجات بلند فرمائے جاتے ہیں جبکہ گناہگاروں کے گناہ اگر زمین کی ریت ہو یا پھر آسمان کے ستاروں کے برابر تو بھی اگر بندہ صدق دل سے توبہ کرے تو وہ معاف فرمائے جاتے ہیں، انہوں نے کہا کہ رمضان المبارک کی تیاری کے سلسلے میں ہمیں بھی جس طرح آپ ? ماہ شعبان میں نصیحت فرمایا کرتے تھے اس طرح کرنے کی سعی کرنا چاہیے، اور اپنے گھر والوں کو بٹھا کر باضابطہ طور پر رمضان المبارک کی اہمیت بتائی جائے، ایک ایک چیز کی پلاننگ کی، فضولیات سے بچا جائے، ہم خواتین کو چاہیے کہ اپنے روزمرہ کے کاموں ساتھہ ہماری زبان پر ذکر و اذکارورد ہونا چاہیی.

یاد رہے کہ رمضان المبارک کا پہلا عشرہ رحمت، دوسرا گناہوں سے بخشش اور تیسرا عشرہ دوزخ کی آگ سے نجات کا ہے جبکہ اسی ماہ کے آخری عشرے کی ایک طاق رات کا پایا جانا کسی بھی فرد کے لیے ھزار ماہ کی عبادت سے زائد اجر و ثواب باعث ہے . رمضان المبارک صبر، شکر، نزول قرآن ، اللہ کی راہ میں دل کھول کر خرچ کرنے ، حصول تقویٰ و تزکیہ نفس کے ساتھ طاغوت، اسلام دشمن قوتوں ، بے حیائی، ننگی تھذیب کے سامنے سیسہ پلائی دیوار کی مانند ڈٹ جانے کی روحانی اور جسمانی ترتیب کا مہینہ ہی.

قبل ازیں تلاوت قرآن پاک، حمد و نعت پیش کرنے کے بعد تجوید کورس میں 4 بہترین طالبات طیبہ امدا، جویریہ حنیف، روزینہ جمالی، عروج جاوید میں علامہ انعامات دیئے گئی. تقریب جس میں طالبات کے ساتھ ان کی مائیں اور بھنیں شریک تھیں نظامت کی ذمہ داری عالمہ حلیمہ کھوسو نے ادا کی�

(جاری ہے)

�