ایڈیشنل آئی جی پولیس حیدرآباد ڈاکٹرجمیل احمد کی سول اسپتال کی انتظامیہ سے ملاقات ، مختلف وارڈز کا دورہ

حیدرآباد(اُردو پوائنٹ اخبارتازہ ترین - این این آئی۔ 15 جون2021ء) ایڈیشنل آئی جی پولیس حیدرآباد ریجن ڈاکٹرجمیل احمد نے سول اسپتال حیدرآباد کی انتظامیہ سے ملاقات کی اور ہسپتال کے مختلف وارڈوں کا دورہ کیا، اس موقع پر اے ایم ایس ڈاکٹر شاہد اسلام جونیجو، اے ایم ایس جنرل ٹو شوکت لاکھو، ڈائریکٹر آئی سی یو ڈاکٹر کاشف میمن، ، اے ایم ایس ڈاکٹر علی نواز عباسی اور دیگر بھی موجو دتھے، ایڈیشنل آئی جی نے ہسپتال میں زیر علاج مریضوں اور ان کے تیمارداروں سے بھی بات چیت کی اور علاج معالجے کی صورتحال دریافت کرنے کے بعد مسرت کا اظہار کیا، ایڈیشنل آئی جی ڈاکٹر جمیل احمدکے سول ہسپتال پہنچنے پر میڈیکل سپرنٹنڈنٹ ڈاکٹر محمد صدیق پہوڑ اور ڈائریکٹر ایڈمن عبدالستار جتوئی نے ان کا استقبال کیا اور ہسپتال کے مختلف وارڈوں کا دورہ کیا جن میں چلڈرن ایمرجنسی ، پیڈز وارڈز، پیڈز آئی سی یو، پیڈز نرسری، انٹرونشنل کارڈیالوجی ، میڈیکل آئی سی یو، سرجیکل آئی سی یو، گیسٹرو انٹرالوجی یونٹ ، سی سی ٹی وی کمانڈ اینڈ کنٹرول سینٹر اور ڈائیلائسز وارڈ شامل ہیں، ایڈیشنل آئی جی ڈاکٹر جمیل احمد نے کہاکہ مجھے اسپتال پہنچ کر خوشی ہوئی ہے ، سول ہسپتال حیدرآباد سندھ کے شہریوں کو بہترین تشخیص اور علاج معالجے کی سہولت فراہم کررہا ہے ، اسپتال میں کورونا وائر س کیخلاف جنگ میں ڈاکٹر اور پیرامیڈیکل اسٹاف کا کردار لازوال ہے، مجھے حیرت ہے کہ اس قدر صاف ستھرا اور جدید سہولتوں سے آراستہ یہ اسپتال ہے یہاں آنے سے قبل میرے ذہن میں اس کا تاثر یہ تھا کہ یہ پرانا اور بوسیدہ ہسپتال ہوگا ، ایڈیشنل آئی جی نے کارڈیالوجی کیتھ لیب میں مریضوں کو پیس میکر لگانے کے عمل کا بھی معائنہ کیا، ڈائریکٹر ایڈمن عبدالستار جتوئی نے اے آئی جی پولیس ڈاکٹرجمیل احمد کو بتایا کہ آئی سی یو میں مریض کے پہنچنے کے بعد وہ ہمارے حوالے ہوتا ہے اور اس کے ساتھ کسی رشتہ دار کو رہنے کی اجازت نہیں ہوتی، جہاںں مریضوں کو ادویہ کے علاوہ شعبہ امراض قلب ، انجیو گرافی، انجیو پلاسٹی، کارڈک پیس میکر لگانے کے علاوہ تمام سہولتیں فراہم کرتے ہیں جبکہ کارڈک سرجری میں بھی تمام مریضوں کو مفت اسٹنٹ لگائے جاتے ہیں جو نجی ہسپتالوں میں فی اسٹنٹ ایک لاکھ روپے میں لگایا جاتا ہے ، انہوںنے بتایا کہ سول ہسپتال حیدرآباد میں عالمی معیار کا آئی سی یو اور مختلف وارڈوں میں یومیہ 1900 سے زائد مریض داخل رہتے ہیں جبکہ او پی ڈی میں یومیہ 11ہزار مریض علاج کیلئے آتے ہیں۔