ایڈیشنل اینڈ سیشن جج سرگودھانے سرگودھا کے تاجرکا 5 لاکھ روپے کا جعلی چیک دینے والے ملزم کے خلاف مقدمہ درج کرنے کا حکم

سرگودھا(اُردو پوائنٹ اخبارتازہ ترین - این این آئی۔ 05 اگست2021ء)ایڈیشنل اینڈ سیشن جج سرگودھا محمد اعجاز رضا نے سرگودھا کے تاجرکو 05 لاکھ روپے کا جعلی چیک دینے والے ملزم کے خلاف مقدمہ درج کرنے کا حکم دے دیا۔

(جاری ہے)

زرائع کے مطابق ایڈیشنل سیشن جج سرگودھا محمد اعجاز رضا کو سرگودھا شہر کے شوکت علی نے درخواست دی کہ عمر حیات سے اس کے دیرینہ تعلقات تھے جس نے گھریلو مجبوری بتا کر 05 لاکھ روپے ادھار لئے جس کی مدت گزرنے کے بعد رقم کی واپسی کا تقاضا کیا تو عمر حیات نے اس بات کا برا منایا اور دھمکیاں دینی شروع کردیں۔

شہری کا کہنا ہے کہ وہ ملزم کے خلاف مقدمہ درج کروانے تھانہ کینٹ گیا مگر کینٹ پولیس مقدمے کے اندراج کے لیے رشوت کا تقاضا کررہی ہے۔ فاضل جج محمد اعجاز رضا نے تھانہ کینٹ کے ایس ایچ او کو واقعہ کا مقدمہ درج کرنے کا حکم دیدیا-

Your Thoughts and Comments