موسلادھار بارش، شہریوں کی مدد ہمارا فرض ہے، ڈی آئی جی آپریشنز

لاہور۔11ستمبر  (اردوپوائنٹ اخبارتازہ ترین۔ 11 ستمبر2021ء):ڈی آئی جی آپریشنز لاہورکیپٹن(ر) سہیل چودھری نے کہا ہے کہ کورونا وبا کی چوتھی لہر سے بچنے کے لیے شہریوں کو ذمہ داری کا مظاہرہ کرنا ہو گا۔تاجر برادری حکومتی گائیڈ لائنز پر عملدرآمد کرے۔ گزشتہ روز کورونا ایس او پیز کی خلاف ورزی پر 13مقدمات درج کئے گئے۔مجموعی طور پر لاک ڈائون کے دوران7021مقدمات کا اندراج کیا گیا۔

ماسک استعمال نہ کرنے پر 3678جبکہ دیگر کورونا ایس او پیز کی خلاف ورزی پر3343مقدمات درج کئے گئے۔ڈی آئی جی آپریشنزنے کہا کہ ڈویژنل ایس پیز ہفتہ اور اتوار کے روز مکمل لاک ڈان پر عملدرآمد یقینی بنائیں۔پولیس اہلکار دوران ڈیوٹی شہریوں سے خوش اخلاقی سے پیش آئیں۔انہوں نے مزید کہا کہ پولیس اقدامات شہریوں کو کورونا وبا سے محفوظ رکھنے کے لیے ہیں۔

(جاری ہے)

ماسک کا استعمال کریں اپنی اور دوسروں کی زندگی محفوظ بنائیں۔علاوہ ازیں ڈی آئی جی آپریشنز  نے افسران و جوانوں کوموسلا دھاربارش کے دوران شہریوں کی مدد یقینی بنانے کی ہدایت دیتے ہوئے کہاکہ شہریوں کی مدد ہمارا فرض ہے، کوئی کثر اٹھا نہ رکھی جائے گی۔ سہیل چودھری نے کہا کہ پولیس افسران شہریوں کو مشکل سے نکانے کیلئے واسا حکام سے رابطے میں رہیں۔ مصروف شاہراں اور نشیبی علاقوں میں اضافی نفری تعینات کی جائے۔ انہوں نے مزید کہا کہ کسی بھی ناگہانی صورتحال سے نمٹنے کیلئے ہمہ وقت تیار رہیں۔ شہری بارش کے دوران بجلی کے کھمبوں،لٹکتی تاروں کے پاس سے ہرگز نہ گزریں، اپنی حفاظت کریں۔

Your Thoughts and Comments