جیکب آباد بلدیہ ملازمین کی بجٹ میں بڑھائی گئی تنخواہ جاری نہ کرنے پرآفس کی تالا بندی

جیکب آباد(اُردو پوائنٹ اخبارتازہ ترین - این این آئی۔ 21 ستمبر2021ء)جیکب آباد بلدیہ ملازمین کا بجٹ میں بڑھائی گئی تنخواہ جاری نہ کرنے پرآفس کی تالا بندی کرکے ایڈ منسٹریٹر کے دفتر کے سامنے دھرنا سخت نعریبازی ، 23ستمبر کو کمشنر لاڑکانہ اور شہید بینظیر کے مزار کے سامنے دھرنے کا اعلان تفصیلات کے مطابق جیکب آباد بلدیہ ملازمین کی جانب سے بجٹ میں بڑھائی گئی تنخواہ نہ دینے اور کرپشن کے خلاف بلدیہ آفیس کی تالا بندی کرکے ایڈ منسٹریٹر کے دفتر کے سامنے دھرنا دیا گیا ملازمین نے مطالبات کے حق میں سخت نعریبازی کی دھرنے سے چیئر مین نصر اللہ ڈومکی ، صد ر سلیم پیچوہو ، زین میمن، حفیظ جکھرانی ، شفیق ابڑو، جنید شیخ ، آصف غوری ، عبدالستار دہرپالی ، نواب لاشاری ، عبدالجبار دستی، سعید جمالی ، ماجد علی، اعظم ، امداد بروہی ، غلام مصطفی گھنیو اور دیگر نے وزیر اعلی سندھ ،چیئر مین پی پی بلاول بھٹو زرداری ، کمشنر لاڑکانہ ، ڈی سی جیکب آباد سے مطالبہ کیا کہ گزشتہ سال کی دس فیصد بڑھائی گئی تنخواہ کے پانچ ماہ اور رواں مالی سال میں بڑھائی گئی 20فیصد تنخواہ اور رٹائر ملازم پینشن سے تاحال محروم ہیں، بلدیہ ایڈ منسٹریٹر مسائل حل کرنے میں ناکام ہے فوری ہٹایا جائے اور ملازمین میں پھیلی بے چینی ختم کی جائے بصورت دیگر 23ستمبر کو کمشنر لاڑکانہ کے دفتر اور شہید بینظیر کے مزار کے سامنے دھرنا دیا جائے گا ہمارے مطالبات جائز ہیں فوری حل کئے جائیں۔

Your Thoughts and Comments