سندھ کے ضلع جام شورو کا رہائشی جوڑا تحفظ کے لیے پریس کلب سانگھڑ پہنچ گیا

کراچی (اُردو پوائنٹ اخبارتازہ ترین - این این آئی۔ 21 ستمبر2021ء)سندھ کے ضلع جام شورو کا رہائشی جوڑا تحفظ کے لیے پریس کلب سانگھڑ پہنچ گیا اس موقع پر انیلا ولد غلام رسول ابڑو نے میڈیا کو بتایا کہ میں باشعور حافظ قرآن ہوں میں نے اپنی مرضی اور رضا خوشی سے اپنے قریبی رشتہ دار ریاض محمد ولد لکھا ڈنو ابڑو سے نواب شاہ میں کورٹ میرج کی ہے کیونکہ میرے والدین کسی انپڑھ جاہل سے میری شادی کرنا چاہتے تھے جو مجھے پسند نہیں تھا اور میں بالغ ہوں مجھے اپنی زندگی گزارنے کا پوری آزادی کے ساتھ حق ہے میری پسند کی شادی کرنے پر میرے والد غلام رسول ابڑو میرا بھائی عبدالکریم اور میرے دو ماموں میری جان کے دشمن بن گئے ہیں اور ان سے مجھے اپنی جان کا خطرہ ہے اور انہوں نے مجھ پر جھوٹا الزام لگایا کہ میں گھر سے سونا اور نقدی لیکر آئی ہوں یہ سراسر جھوٹ ہے میں کچھ بھی اپنے ساتھ نہیں لائی اور میرے گھر والے میرے شوہر کو جھوٹے الزامات میں پھنسا کر ایف آئی آر درج کرنے کی دھمکیاں دے رہے ہیں میں اعلی احکام ڈی آئی جی شہید بینظیر آباد وزیر اعلی سندھ و دیگر سے مطالبہ کرتی ہوں کہ مجھے اور میرے شوہر کو مکمل تحفظ فراہم کیا جائے اور ہمیں آزادی کے ساتھ اپنی زندگی گزارنے کا حق دیا جائے اور اگر مجھے یا میرے شوہر کو کچھ ہوا تو اس کی زمہ داری میرے والدین بھائی اور عزیزو اقارب پر ہوگی۔

Your Thoughts and Comments