ترقیاتی منصوبوں کو بلاوجہ التوا میں رکھنے والوں کے خلاف سخت کارروائی کی جائے گی، ڈپٹی کمشنر

استور(اُردو پوائنٹ اخبارتازہ ترین - اے پی پی۔ 23 اکتوبر2021ء)ڈپٹی کمشنر استور محمد طارق کی زیر صدارت زیر التوا ترقیاتی سکیموں میں کام کی پیشرفت کا جائزہ  لینے کے حوالے سے ایک اجلاس منعقد ہوا۔اجلاس میں ایگزیکٹیو انجینیر محکمہ تعمیرات عامہ استور انجینیر کاشف سہیل سمیت دیگر متعلقہ آفیسران  نے شرکت کی۔

(جاری ہے)

اجلاس سے خطاب کرتے ہوۓ ئے ڈپٹی کمشنر استور محمد طارق نے کہا کہ کسی کوبھی سرکاری خزانے سے رقم وصول کرکے عوامی اہمیت کے حامل ترقیاتی منصوبوں کو التوا میں رکھنے کی ہرگز اجازت نہیں دینگے بلکہ ایسا کرنے والوں کے  خلاف سخت قانونی کارروائی  عمل میں لائی جائے گی۔

اجلاس سے خطاب کرتے ہوئے ۓ ڈپٹی کمشنر نے کہا کہ بہت سارے ترقیاتی منصوبے انتظامی آفیسران کی نگرانی میں مکمل کراۓ ئے ہیں۔ ان میں قابل زکر کلشی سڑک، کلشی تا ٹٹوال اور گرانٹ نالہ سڑک، پشواڑی تا قمری سڑک کشادگی اور منی مرگ تا دومیل سڑک کی میٹلنگ شامل ہیں جبکہ بعض ترقیاتی منصوبوں میں اس وقت بھی کام جاری ہے ان میں استوربازار تا راما سڑک، گیریکے  پل، پریژوٹ معلق پل کی مرمت سمیت، ڈی سی آفس تا رسول خنی ہٹ عیدگاہ لنک روڈ ، ڈسپینسری ڈوئیاں  اور ہرچو  سمیت متعدد منصوبے شامل ہیں ۔

Your Thoughts and Comments