ڈسٹرکٹ اینڈ سیشن جج شکارپور نے ڈاکٹر زینت عیسانی انسٹیٹوٹ آف میڈیکل سائنس اسپتال میں سٹی اسکین مشن کا افتتاح کردیا

شکارپور(اُردو پوائنٹ اخبارتازہ ترین - این این آئی۔ 30 نومبر2021ء) ڈسٹرکٹ اینڈ سیشن جج شکارپور نے ڈاکٹر زینت عیسانی انسٹیٹوٹ آف میڈیکل سائنس اسپتال میں سٹی اسکین مشن کا افتتاح کردیا، شکارپور میں بہت زیادہ سرکاری عمارتیں ہیں جن کی مالکی کی ضرورت ہے، عطائی ڈاکٹروں کے لیئے کوئی خاص طریقہ بنایا جائے ، ڈسٹرکٹ اینڈ سیشن جج شکارپور، ڈاکٹر زینت عیسانی انسٹیٹوٹ آف میڈیکل سائنس ایک سو بستروں پر مشتمل ایک ادرارہ ہے، اسپتال میں ایک ماہ کے اندر300 سے زائد خواتین کی ڈلیوری کروائی جاتی ہے، ڈاکٹر نجیب شاہ مظفر عیسانی۔

(جاری ہے)

تفصیلات کے مطابق گزشتہ روز 20 بیڈ اسپتال شکارپور جس کو اب ڈاکٹر زینت عیسانی انسٹیٹوٹ آف میڈیکل سائنس کی نام سے پہنچانا جاتا ہے، ڈسٹرکٹ اینڈ سیشن جج شکارپور مشتاق احمد کلوڑ نے سٹی اسکین مشن کا افتتاح کیا ، اس موقعے پر ڈپٹی کمشنر شکارپور کاشف نبی کھڑو ، سول سوسائٹی کے نمائندے اور ڈاکٹر موجود تھے، ڈسٹرکٹ اینڈ سیشن جج شکارپور نے اسپتال کے مختلف حصوں اور وارڈوں کا معائنہ کیا اور اسپتال میں موجود جدید مشنری کا بھی جائزہ لیا، اس موقعے پر تقریب سے خطاب کرتے ہوئے ڈسٹرکٹ اینڈ سیشن جج شکارپور مشتاق احمد کلوڑ نے کہاکہ ایسے ادارے تعمیر ہونے سے خوشی ہوتی ہے، انہو ں نے کہاکہ 20 بیڈ اسپتال کی طرح شکارپور میں دیگر کئی سرکاری عمارتیں موجود ہیں جن کی مالکی کی ضرورت ہے، ڈسٹرکٹ اینڈ سیشن جج نے کہاکہ سول اسپتال شکارپور کی بھی مالی ہونی چاہیے اور شکارپور کے سول اسپتال میں فقط 48 ڈاکٹر موجود تھے، انہو ں نے کہاکہ آبادی کے تناسب کو دیکھ کر ایک ہزار افراد کے لیئے ایک بھی ڈاکٹر موجود نہیں ہے، اسی لیئے دیہاتوں میں موجود عطائی ڈاکٹروں کے لیئے کوئی طریقہ کار بنانا چاہیے ، انہوں نے کہاکہ اس اسپتال میں ، میں پہلی مرتبہ آیا ہوں اور یہاں جدید مشنری دیکھ کر بہت خوشی ہوئی ہے، تقریب سے خطاب کرتے ہوئے مظفر عیسانی نے کہاکہ ڈاکٹر زینت عیسانی نے 2005 میں یہ اسپتال سندھ حکومت سے لی اور اسپتال کو مزید توسیع دیکر کچھ مزید وارڈ اور ادارے بنائے اور آج یہ اسپتال ڈاکٹر زینت عیسانی انسٹیٹوٹ آف میڈیکل سائنس کے نام سے قائم ہے ، اسپتال کے ایڈمنسٹریٹر ڈاکٹر نجیب اللہ شاہ نے کہاکہ شکارپور میں سٹی اسکین مشن کسی بھی اسپتال میں موجود نہیں ہے، جس کی وجہ سے یہ شکارپوروالوں کے لیئے ایک بہت بڑی سہولت ہے، انہوں نے کہاکہ اسپتال میں ماہوار 300 سے زائد خواتین کی ڈلیوری کروائی جاتی ہیجبکہ ایم آئی آر ، فزیو تھراپی اور میمو گرافی کے نئے شعبے بھی جلد تعمیر کیئے جائیں گے، انہو ں نے کہاکہ اس اسپتال میں مزید وارڈ اور شبعے قائم کریں گے مگر گنجائش کا مسئلہ ہے اور اس اسپتال کی چودیواری میں کچھ غیر قانونی طور پر رہائش پذیر ہیں ، تقریب میں سول سوسائٹی کیافراد جس میں ڈسٹرکٹ بار کے صدر ایڈووکیٹ محمد علی شاہ، ایڈووکیٹ اصغر پہوڑ، علی احمد برڑو، میاں ظفر علوی اور دیگر نے شرکت کی۔