محکمہ موسمیات کا شدید بارشوں کے باعث ملک کے متعدد علاقوں میں برساتی ندی نالوں میں طغیانی کا الرٹ جاری

اسلام آباد (اُردو پوائنٹ اخبارتازہ ترین - اے پی پی۔ 05 اگست2024ء) محکمہ موسمیات نے پیر اور کل 06 اگست کے دوران شدید بارشوں کے باعث ڈیر غازی خان کے پہاڑی علاقوں ، ژوب، بارکھان، موسیٰ خیل، لورالائی، سبی، ہرنائی، کوہلو، ڈیرہ بگٹی، جھل مگسی، نصیر آباد، جعفر آباد،قلات، خضدار،لسبیلہ ، آواران، کیچ، پنجگور جیکب آباد ، قمبر شہداد کوٹ، لاڑکانہ، دادو، جامشورو ، مری، گلیات، مانسہرہ، دیر، سوات، شانگلہ، نوشہرہ، صوابی، اسلام آباد/ راولپنڈی، سیالکوٹ، نارووال، جہلم، گجرات اور کشمیر کے مقامی / بر ساتی ندی نالوں میں طغیانی کا الرٹ جاری کیا ہے۔

شدید بارشوں کے باعث اسلام آباد/راولپنڈی، گوجرانوالہ، سیالکوٹ، بہاولنگر، بہاولپور، راجن پور، رحیم یار خان،کراچی ، حیدر آباد، ٹھٹھہ، بد ین، سکھر، کشمور، گھوٹکی، شکارپوراورخیرپور کے نشیبی علا قے زیر آب آنے کا اندیشہ ہے۔

(جاری ہے)

اس دوران خیبرپختونخوا کے پہاڑی علاقوں ، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے۔

محکمہ موسمیات کے مطابق کل منگل کوسندھ، بلوچستان ،خیبرپختونخوا ، جنوبی/بالائی پنجاب ،خطہ پوٹھوہار، کشمیر اور گلگت بلتستان میں تیز ہوائوں/جھکڑ چلنے اور گرج چمک کے ساتھ مزید بارش ۔جبکہ شمال مشرقی /جنوبی بلوچستان، بالائی سندھ ،با لائی خیبرپختونخوا ،شمال مشر قی پنجاب ، خطہ پوٹھوہار اور کشمیر میں چند مقا مات پر موسلادھار بارش کا امکان ہے۔

گذشتہ 24 گھنٹوں کے دوران سندھ،پنجاب، مشرقی/جنوب مشرقی بلوچستان ، خیبرپختونخوا، کشمیر اور گلگت بلتستان میں تیز ہواؤں اور گرج چمک کے ساتھ بارش ہوئی۔سب سے زیادہ بارش سندھ:کراچی(ناظم آباد 77، سرجانی ٹائون 72، قائد آباد 61، ملیر ہالٹ 54، ایم او ایس 49، جناح ٹرمینل، اورنگی ٹائون 42، یونیورسٹی روڈ 40، فیصل بیس 37، گلشن حدید 35، نارتھ کراچی 34، ابرہیم حیدری 13، گلشن معمار 12، کیماڑی 07، مسرور بیس 05، کورنگی 04، صدر، ڈی ایچ اے 02)، دادو 26، میر پور خاص 22، تھر پارکر (چھاچرو 11، ڈہلی 07، اسلام کوٹ 05)،حیدر آباد(ایئر پورٹ 09، سٹی 07) ، ٹنڈو جام 09، جیکب آباد 05، موہنجو دہڑو 04، لاڑکانہ03، ٹھٹہ 01، پنجاب: کوٹ ادو 32، بھکر31، مری 22، چکوال 13، خانپور10، بہاولپور(ایئر پورٹ 05، سٹی 01)، ڈیرہ غازی خان، اوکاڑہ 03، ملتان(سٹی 02، ایئر پورٹ 01)، گوجرانوالہ، ٹوبہ ٹیک سنگھ، اسلام آباد(گولڑہ) 02، جھنگ، کروڑ (لیہ)، منگلہ 01، بلوچستان: خضدار 21، لسبیلہ 20، پنجگور 06، بارکھان 05، قلات 01، خیبرپختونخوا: چراٹ 42، کاکول 31،مالم جبہ 05، کاکول، پٹن 02،سیدو شریف 01، گلگت بلتستان: استور میں 01 ملی میٹر بارش ریکارڈ کی گئی۔

پیر کو ریکارڈکیے گئے زیادہ سے زیادہ درجہ حرارت: چلاس 43، نوکنڈی ، بونجی 42 اور دالبندین میں 41 ڈگری سینٹی گریڈ ریکارڈ کیا گیا۔