محکمہ موسمیات کی کراچی میں سخت سردی پڑنے کی پیش گوئی

29اور 30دسمبر کو کراچی میں درجہ حرارت مزید گرنے کے نتیجے میں سخت سردی پڑے گی

ہفتہ 28 دسمبر 2024 17:27

کراچی (اُردو پوائنٹ اخبارتازہ ترین - این این آئی۔ 28 دسمبر2024ء)شہر قائد میں اتوار اور پیر کو موسم کیسا ہوگا اس حوالے سے ماہرین نے خبردار کردیا۔محکمہ موسمیات کا کہنا ہے کہ آج( اتوار) اور کل پیر 29 اور 30 دسمبر کو کراچی میں درجہ حرارت مزید گرنے کے نتیجے میں سخت سردی پڑنے کا امکان ہے۔ارلی وارننگ سینٹر کی جانب سے کی گئی پیش گوئی میں کہا گیا ہے کہ اتوار اور پیر کو کراچی کا کم سے کم پارہ سنگل ڈیجیٹ 8ڈگری تک گرسکتا ہے جب کہ شہر میں چندروز کے دوران مشرقی/ شمال مشرقی سمت کی ہوائیں چلنے کی توقع بھی ہے۔

(جاری ہے)

متوازی سمت کی ہواں کے سبب موسم سرد اور خشک رہنے کا امکان ہے۔اسی طرح سندھ بھر میں سردی کی شدید لہر بدستور برقرار ہے۔ مختلف اضلاع میں رات کا درجہ حرارت 3 سی5 ڈگری کم ریکارڈ ہو سکتا ہے جب کہ بالائی اور وسطی اضلاع میں صبح کے وقت دھند پڑنے کا امکان ظاہر کیا گیا ہے۔محکمہ موسمیات کے مطابق کراچی میں گزشتہ شب رواں سال کی سرد ترین رات رہی۔شہر کے سرکاری ویدر اسٹیشن پر کم سے کم درجہ حرارت 8.5 ریکارڈ کیا گیا۔ گلستان جوہر میں درجہ حرارت 6.5 ڈگری تک گر گیا۔ اس سے قبل 14 دسمبر 1986 کو کراچی میں کم سے کم درجہ حرارت 3۔1 ڈگری سینٹی گریڈ ریکارڈ ہوا تھا۔

Browse Latest Weather News in Urdu