اسلام آباد سمیت شمالی بلوچستان، خیبر پختونخوا ، بالائی پنجاب،خطہ پوٹھوہار ، گلگت بلتستان، کشمیر ، مری اورگلیات میں بارش اورپہا ڑوں پر برفباری کا امکان ہے، محکمہ موسمیات

ہفتہ 4 جنوری 2025 22:53

اسلام آباد (اُردو پوائنٹ اخبارتازہ ترین - اے پی پی۔ 04 جنوری2025ء) وفاقی دارالحکومت اسلام آباد سمیت شمالی بلوچستان، خیبر پختونخوا ، بالائی پنجاب،خطہ پوٹھوہار ، گلگت بلتستان، کشمیر ، مری اورگلیات میں بارش اورپہا ڑوں پر برفباری کا امکان ہے۔ محکمہ موسمیات کے مطابق آئندہ چوبیس گھنٹوں کے دوران پنجاب کے زیادہ ترمیدانی علا قوں اور بالائی سندھ میں صبح/رات کے اوقات میں درمیانی سے شدید دُھند چھائے رہنے کی توقع ہے۔

گزشتہ 24 گھنٹوں کے دوران شمالی بلوچستان اور خیبر پختونخوامیں بارش جبکہ پہاڑوں پر برفباری ہو ئی تاہم ملک کے دیگر علاقوں میں موسم سرد اور مطلع جزوی ابر آلود رہا۔ اس دوران پنجاب کے بیشتر اضلاع اور بالائی سندھ میں درمیانی سے شدید دُھند چھائی رہی۔

(جاری ہے)

گزشتہ 24 گھنٹوں کے دوران سب سے زیادہ بارش چترال میں 19،میرکھانی 5، پاراچنار3،دروش، میرکھانی ،پشاور (ائیرپورٹ )2،قلات11،ژوب7،لورالائی5 اور کوئٹہ میں ایک ملی میٹر بارش ریکارڈ کی گئی۔

اس دوران زیارت میں 2 ،پاراچنار،چترال ایک اورقلات میں0.4 انچ برفباری ریکارڈ ہوئی۔ہفتہ کو ریکارڈکئے گئے کم سےکم درجہ حرارت کی رپورٹ کے مطابق گوپس میں درجہ حرارت منفی 6، لہہ ،زیارت منفی 4،بگروٹ اور پاراچنارمیں منفی 3ڈگری سینٹی گریڈ ریکارڈ کیا گیا۔

Browse Latest Weather News in Urdu