آئندہ چوبیس گھنٹوں کے دوران لاہور سمیت پنجاب کے میدانی علاقوں میں موسم سرد رہے گا، محکمہ موسمیات

ہفتہ 11 جنوری 2025 22:27

لاہور (اُردو پوائنٹ اخبارتازہ ترین - اے پی پی۔ 11 جنوری2025ء) محکمہ موسمیات کی پیش گوئی کے مطابق آئندہ چوبیس گھنٹوں کے دوران لاہور سمیت پنجاب کے بیشتر علاقوں میں موسم سرد اور خشک رہنے کا امکان ہے۔ تاہم صبح/رات کے اوقات میں پنجاب کے میدانی علاقوں میں درمیانی سے شدید دھند چھائے رہنے کی توقع ہے۔گزشتہ 24 گھنٹوں کے دوران پنجاب کے چند مشرقی اور وسطی اضلاع میں درمیانی سے شدید دھند چھائی رہی۔

(جاری ہے)

لاہور میں کم سے کم درجہ حرارت 10اور زیادہ سے زیادہ 13سینٹی گریڈ ریکارڈ کیا گیا جبکہ ہوا میں نمی کا تناسب85رہا۔لا ہور میں آلودگی کی مجموعی شرح 192فیصد رہی جبکہ شہر کے مختلف علاقوں میں ایئر کوالٹی انڈ یکس ہائیکنگ اینڈ مونٹینی 226،یو ایم ٹی 281،پاورزون337،اڈاپلاٹ 312، پولو گراؤنڈ 233،عسکری ٹین273،جوہر ٹاؤن 264،ذکی فارمز 263،فیز ایٹ ڈی ایچ اے 264اور یو ایس قونصلیٹ میں 336 ریکارڈ کیا گیا۔

Browse Latest Weather News in Urdu