اسلام آباد سمیت ملک کے مختلف علاقوں میں تیز ہواوٴں اور گرج چمک کیساتھ بارش ، موسم سرد اور خواشگوار

اسلام آباد (اُردو پوائنٹ اخبارتازہ ترین - آئی این پی۔09 اپریل۔2016ء ) اسلام آباد سمیت خیبر پختونخوا ، پنجاب،بلوچستان، فاٹا، کشمیر اورگلگت بلتستان میں تیز ہواوٴں اور گرج چمک کیساتھ بارش سے موسم سرد اور خواشگوار ہوگیا ،سب سے زیادہ بارش مالم جبہ میں 44 ملی میٹر بارش ریکارڈ کی گئی،(آج ) اور (کل ) میں ملک کے بالائی علاقوں میں مزید بارشوں کی پیشگوئی کی گئی، کشمیر، ہزارہ، سرگودھا ڈویژن اور خطہ پوٹھوہار میں بعض مقامات پر ژالہ باری کا بھی امکان ہے، بارشوں کے باعث مالاکنڈ، ہزارہ ڈویڑن، گلگت بلتستان اور کشمیر میں مزیدلینڈ سلا ئنڈینگ کا خدشہ ہے ۔

موسم کی تازہ ترین صورتِ حال کے مطابق ملک کے بیشتر علاقوں میں بادل چھائے ہوئے ہوئے ہیں جبکہ گلگت بلتستان، مالاکنڈ اور ہزارہ ڈویژن،کشمیر اور ملحقہ علاقوں میں بارش کا سلسلہ جاری ہے۔

(جاری ہے)

اتوار اور سوموار کے دوران ملک کے بالائی علاقوں میں مزید بارشوں کی پیشگوئی کی گئی ۔ اتوار کو بھی شمال مشرقی بلوچستان (کوئٹہ، ژوب، قلات،نصیرآباد، سبی ڈویژن) میں چند مقامات پر تیز ہواوٴں اور گرج چمک کیساتھ مزید بارش کا امکان ہے۔

اتوار سے سوموارکے دوران فاٹا، خیبر پختونخواہ (پشاور،مالاکنڈ ، ہزارہ ،مردان،کوہاٹ،بنوں، ڈی آئی خان ڈویژن)،بالائی پنجاب(راولپنڈی، گوجرانوالہ، سرگودھا ڈویژن)، اسلام آباد ،گلگت بلتستان اور کشمیر میں کہیں کہیں تیز ہواوں اور گرج چمک کے ساتھ بارش کی پیشنگوئی۔اس دوران کشمیر، ہزارہ، سرگودھا ڈویژن اور خطہ پوٹھوہار میں بعض مقامات پرژالہ باری کا بھی امکان ہے۔

ہفتہ/اتوار کے دوران ڈی جی خان، ڈی آئی خان، ملتان،ساہیوال،فیصل آباد اور لاہور ڈویژن میں بھی چند مقامات پر تیز ہواوٴں اور گرج چمک کیساتھ بارش کا امکان ہے۔ اتوار /سوموار کے دوران بارشوں کے باعث مالاکنڈ، ہزارہ ڈویڑن، گلگت بلتستان اور کشمیر میں مزیدلینڈ سلا ئنڈینگ کا خدشہ ہے ۔ آئندہ 24گھنٹوں کے دوران خیبر پختونخواہ (مالاکنڈ ، ہزارہ ،پشاور، مردان،کوہاٹ،بنوں، ڈی آئی خان ڈویژن)، فاٹا، کوئٹہ،ژوب، قلات، سبی، مکران، نصیر آباد، راولپنڈی، گوجرانوالہ، سرگودھا ڈویژن، اسلام آباد، گلگت بلتستان، کشمیر میں کہیں کہیں تیز ہواوٴں اور گرج چمک کیساتھ بارش کا امکان ہے۔

اس کے علاوہ ڈی جی خان، لاہور، فیصل آباد، ساہیوال، ملتان، بہاولپور، سکھر، لاڑکانہ ڈویژن میں چند مقامات پر گرد آلود ہوائیں چلنے کے ساتھ ہلکی بارش کا امکان ہے۔ گزشتہ24 گھنٹوں کے دوران خیبر پختونخواہ، پنجاب، فاٹا اور کشمیر میں کہیں کہیں جبکہ تاہم کوئٹہ،ژوب ڈویژن اورگلگت بلتستان میں چند مقامات پر تیز ہواوٴں اور گرج چمک کیساتھ بارش ہوئی۔

سب سے زیادہ بارش خیبر پختونخواہ کے علاقے مالم جبہ 44، چیراٹ 36، دیر 32، سیدو شریف 30، پاراچنار 25، لویر دیر 21، پٹن، کاکول 19، کالام 17، کوہاٹ 12، پشاور (سٹی 8، ائیر پورٹ 7)، میر خانی 6، بالاکوٹ 5، چیترال، ڈی آئی خان 4، دروش 2۔ پنجاب کے علاقے میا نوالی 13، منڈی بہاولدین 6، لیہ، بھکر، سرگودھا 5، ا سلام آباد، فیصل ا?باد 4، جھنگ، گوجرانوالہ، شورکوٹ 3، مری، جہلم، ڈی جی خان، ملتان، منگلا، ٹوبہ ٹیک سنگھ 2، بلوچستان کے علاقے ژوب 8، کوئٹہ 1، کشمیر کے علاقے گڑی دوپٹہ، مظفر آباد 3، راولاکوٹ 1 گلگت بلتستان کے علاقے استور میں 1 ملی میٹر بارش ریکارڈ کی گئی۔

گزشتہ روز ریکارڈ کیے گئے سب سے زیادہ درجہ حرارت لاڑکانہ، سکھر39، تربت، شہید بینظیر آباد، مٹھی، چھور، میرپورخاص، روہڑی، پڈعید ن 37، دادو، بہاولنگر، بدین، موہنجوداڑو، حیدر آباد، لسبیلا، جیکب آباد36، سبی، اوکاڑہ، ساہیوال35 ڈگری سینٹی گریڈ ریکارڈ کیا گیا۔