- Home
- Weather
- Weather News
- بھارتی محکمہ موسمیات نے رواں سال مون سون کے دوران زیادہ بارشوں کی پیش گوئی کردی
بھارتی محکمہ موسمیات نے رواں سال مون سون کے دوران زیادہ بارشوں کی پیش گوئی کردی
جمعرات 14 اپریل 2016 16:06
نئی دہلی (اُردو پوائنٹ اخبارتازہ ترین - آئی این پی۔14 اپریل۔2016ء) بھارتی محکمہ موسمیات نے رواں سال مون سون کے دوران زیادہ بارشوں کی پیش گوئی کردی ،ملک کا بڑا علاقہ شدید خشک سالی کا شکار اور کاشت کاروں کو پچھلے دو برسوں سے پانی کی انتہائی قلت کے بحران کا سامنا ہے۔بھارتی میڈیاکے مطابق محکمہ موسمیات نے ایسے وقت جب بھارت کا بڑا علاقہ شدید خشک سالی کا شکار ہے اور کاشت کاروں کو پچھلے دو برسوں سے پانی کی انتہائی قلت کے بحران کا سامنا ہے،رواں سال سال مون سون کے دوران زیادہ بارشوں کی پیش گوئی کی ہے جس سے بہتری کی توقعات کو فروغ ملا ہے اور دیہات کے رہن سہن میں آسانی پیدا ہوگی۔
بھارتی محکمہ موسمیات کے اعلان کے مطابق اس سال بارانی موسم میں 6 فیصد زیادہ شرح سے بارشیں ہوں گی۔(جاری ہے)
اس وقت پانی کی قلت کی صورت حال یہ ہے کہ ملک کی مغربی ریاست، مہاراشٹرا کے علاقے، لتور کے قحط زدہ علاقے کو پانی کی رسد روانہ کی گئی، جس کے لیے ایک ریل گاڑی جس میں 10 لاکھ لٹر پانی کی کھیپ ہے، بھجوا دی گئی ہے۔لتور حالیہ دِنوں کے دوران قومی منظرنامے پر چھایہ ہوا ہے، جہاں پانی کی شدید کمی نے بحران کی صورت اختیار کر لی ہے۔
صرف یہی ریاست نہیں، بلکہ کل 11 ریاستیں ہیں جنھیں خشک سالی کا سامنا ہے۔لتور کے ایک مکین اور کاشت کار، ارون کلکرنی نے بتایا ہے کہ ایک ماہ سے نلکے خشک ہوگئے ہیں، جب ایک ماہ قبل اِس علاقے کا ڈیم خشک ہوگیا تھا۔کلکرنی کے مطابق، وہ لوگ جن کے پاس موٹر گاڑیاں ہیں وہ 10 یا 15 کلومیٹر دور جا کر بھی پانی لاسکتے ہیں، جن کے پاس پیسے ہیں وہ پانی خرید سکتے ہیں، مسئلہ ان کا ہے جو غریب ہیں، جن کو چند لٹر پانی کے حصول کے لیے گھنٹوں پانی کا انتظار کرنا پڑتا ہے۔انھوں نے کہا کہ غریب خاندان کے لیے یہ محض ایک گھڑا پانی کا سوال ہے، جس سے پانچ یا چھ افراد گزارا کر لیتے ہیں۔ حالانکہ، درجہ حرارت بڑھ رہا ہے، مکینوں کا کہنا ہے کہ نہانا اب ایک عیاشی سمجھتی جاتی ہے۔لتور میں پانی کی قلت کا یہ عالم ہے کہ پہنچنے والے ٹینکروں کی حفاظت کے لیے پولیس کو تعینات کیا گیا ہے، جو خشکی کے شکار خطے میں بمشکل پہنچتے ہیں۔ دیہات میں حکام نے ٹینکروں کے گرد لوگوں کے جمع ہونے پر پابندی لگادی ہے، جب کہ ضرورت کو پورا کرنے کے لیے ایک ٹینکر کی جگہ پانچ بھیجنے کا پروگرام ہے۔مہاراشٹرا کے کچھ علاقوں میں پانی کی شدید قلت ہے، جس کے نتیجے میں بدھ کے روز ممبئی ہائی کورٹ نے فیصلہ دیا ہے کہ 30 اپریل کے بعد کرکٹ کے معروف ٹورنامنٹ ریاست سے باہر منعقد کرائے جائیں، چونکہ اس عمل سے کرکٹ کی پچ پر ضائع ہونے والے پانی کے لاکھوں لٹر بچ جائیں گے۔پانی کے مرکزی کمیشن کے مطابق، مارچ کے اواخر میں بھارت کے پانی کے 91 اہم ڈیموں میں پانی کی 25 فی صد رسد باقی رہ گئی ہے، جو مقدار ایک دہائی میں سب سے کم ہے۔بھارت کے بڑے علاقوں میں پینے کے پانی کے بحران کے حل کو کوئی کوششں نہیں ہو رہی۔ بارشوں کی کمی کے باعث فصلیں تباہ ہوچکی ہیں اور اناج کی کمی کا سامنا ہے۔ یہاں کے کھیت زیادہ تر بارانی ہیں، جن کا دارومدار جون سے ستمبر تک کے چار ماہ کے مون سون کے موسم پر ہوتا ہے۔Browse Latest Weather News in Urdu
سعودی عرب میں زبردست بارشوں کی پیشن گوئی
ملک کے بالائی علاقوں میں تیز بارش کے باعث لینڈ سلائیڈنگ اور فصلوں کو نقصان پہنچنے کا خدشہ
محکمہ موسمیات کی لاہور میں بارش کی پیش گوئی
آئندہ چوبیس گھنٹوں کے دوران لاہورمیں جھکڑ اور گرج چمک کے ساتھ بارش کا امکان ہے،محکمہ موسمیات
موسمیاتی مرکز بلوچستان کے مطابق 28 مارچ آندھی/آندھی اور گرج چمک کے ساتھ بارش کا امکان ہے، محکمہ موسمیات
بارشوں کا نیا سلسلہ ملک میں داخل ہو گیا
لاہور سمیت شمال مشرقی اور جنوبی پنجاب کے بیشتر شہروں میں ہلکی اور تیز با رش کا امکان ہے،محکمہ موسمیات
مغربی ہواؤں کا سلسلہ ، سندھ کے چند شہروں میں بارش کا امکان
محکمہ موسمیات کی سرگودھا سمیت مختلف علاقوں میں ہلکی بارش کی پیش گوئی
کراچی میں آئندہ ماہ سے موسم مزید گرم رہنے کی پیشگوئی
جاتی سردی واپس آ گئی، مری اور دیگر سیاحتی مقامات پر برفباری کی پیشن گوئی
رواں ہفتے تیزبارشوں اور برفباری کی پیشگوئی
ملک میں تیز ہوائیں چلنے اور گرج چمک کے ساتھ بارش کی پیشگوئی
آئندہ ہفتے مزید بارشوں کی پیشن گوئی
ملک کے بالائی علاقوں میں چند مقا مات پر تیز ہواؤں اور گرج چمک کے ساتھ بارش کا امکان ہے، محکمہ موسمیات
اسلام آباد، خیبر پختونخوا، وسطی / جنوبی پنجاب، شمالی بلوچستان، خطہ پوٹھوہار،گلگت بلتستان ،کشمیر ..
آئندہ چوبیس گھنٹوں کے دوران پنجاب کے بیشتر شہر وں میں موسم خشک رہےگا ،محکمہ موسمیات
آئندہ چوبیس گھنٹوں کے دوران ملتان اور مضافات میں مطلع جزوی طور پر ابر آلود رہے گا ،محکمہ موسمیات
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
گرمیوں میں سردی والا موسم، کئی علاقوں میں برفباری سے سردی واپس آ گئی
ناران میں گلیشئر نے تباہی مچا دی، متعدد ہوٹل گلیشئر تلے دب گئے
ملک کے بالائی علاقوں میں چند مقامات پر آندھی/جھکڑ اور گرج چمک کے ساتھ ہلکی سے درمیانی بارش اور پہاڑوں ..
چند ہی منٹوں بعد دوبارہ زلزلے کے شدید جھٹکے
ملک کے بالائی علاقوں میں چند مقا مات پر تیز ہوائوں اور گرج چمک کے ساتھ ہلکی بارش اور پہاڑوں پر ہلکی برف ..