چینی خاتون کو 6 ماہ بوائے فرینڈ کے ساتھ رہنے پراس کے لڑکی ہونے کا علم ہوا

سمیرا فقیرحسین منگل 9 جنوری 2018 15:42

چین (اُردو پوائنٹ تازہ ترین اخبار۔ 09 جنوری 2018ء): آج کل کے دور میں گرل فرینڈ اور بوائے فرینڈ رکھنا کوئی بڑی بات نہیں ہے لیکن چین میں ایک خاتون کو اپنے بوائے فرینڈ سے ایسا دھوکہ ملا کہ اب وہ ساری زندگی کسی کو بھی اپنا بوائے فرینڈ بنانے سے قبل ہزار مرتبہ سوچے گی۔ چینی خاتون کو 6 ماہ اپنے بوائے فرینڈ کے ساتھ رہنے پر معلوم ہوا کہ اس کا بوائے فرینڈ اصل میں لڑکی ہے۔

چینی خاتون کو حال ہی میں اس بات کا علم ہوا کہ جس بوائے فرینڈ کے ساتھ وہ رہ رہی ہے دراصل وہ بحیثیت لڑکی پیدا ہوا تھا۔ وانگ قی نامی 40 سالہ خاتون 2016ء میں اپنے بوائے فرینڈ قیان سے آن لائن ملی۔ ابتدائی طور پر اُسے لگا کہ عمروں کے واضح فرق کی وجہ سے دونوں کا رشہ چل نہیں سکے گا۔ لیکن قیان نے اس کی ایک نہ سنی اور 2016ء میں دونوں نے ملاقاتوں کا سلسلہ شروع ہوا اور کچھ ہی دیر کے بعد دونوں ایک ساتھ رہنے لگے۔

(جاری ہے)

ایک سال کے بعد قیان اچانک غائب ہو گیا۔ وانگ قی نے قیان پر 3 لاکھ یوان خرچ کیے تھے، کافی عرصہ کی تلاش کے بعد وانگ قی کو علم ہوا کے وہ جس کو اپنا بوائے فرینڈ مان کر اس کے ساتھ رہ رہی تھی وہ دراصل ایک لڑکی ہے۔ اس بات کا انکشاف قیان کے شناختی کارڈ سے ہوا، وانگ کا کہنا تھا کہ مجھے کبھی بھی اس کے لڑکی ہونے کا شک نہیں ہوا کیونکہ وہ ہمیشہ مردوں کا باتھ روم استعمال کرتا تھا۔ قیان چاہتا تھا کہ شادی تک انتظار کیا جائے اس لیے ہم ایک دوسرے کے قریب بھی نہیں آئے۔ جب قیان کے والد سے دریافت کیا تو انہوں نے بتایا کہ قیان ان کی اکلوتی بیٹی ہے اور اسے لڑکوں کے کپڑے پہننے کا شوق تھا۔