کاشتکار مورنگاکی کاشت کی جانب خصوصی توجہ دیں، ماہرین زراعت کی ہدایت

منگل اگست 15:22

فیصل آباد ۔ (اُردو پوائنٹ اخبارتازہ ترین - اے پی پی۔ 11 اگست2020ء) ماہرین زراعت نے کہا کہ سوہانجنا جسے عرف عام میں مورنگا بھی کہا جاتا ہے بے شمار خوبیوں سے مالا مال پودا ہے جس کا کوئی نعم البدل نہیں لہٰذا اس کی کاشت سے مادر وطن کی تقدیر بدلی جا سکتی ہے ۔

(جاری ہے)

انہوں نے بتایا کہ یہ پودا اپنے اندر دہی اور دودھ سے دو گنا زیادہ پروٹین ، گاجر سے 4گنازیادہ وٹامن اے، سنگترے سے 7گنا زیادہ وٹامن سی، کیلے سی3گنا زیادہ پوٹاشیم رکھتاہے نیز ادویات سازی ، صنعت مقاصد ،کاسمیٹکس ، اشیائے خوردنی میں بھی اس کا بھر پور استعمال کیا جا سکتا ہے۔

انہوںنے بتایا کہ امریکہ میں اس کے پتے چائے کے طورپر جبکہ اس کے بیجوں کا تیل ککنگ آئل اور بیجوں کا سفوف پانی کو صاف کرنے کیلئے استعمال کیا جا رہاہے۔ انہوںنے بتایاکہ ان کا ادارہ جامعہ زرعیہ اور محکمہ زراعت کے اشتراک سے مورنگا کی زیادہ سے زیادہ کاشت یقینی بنانے کیلئے بھر پور اقدامات کر یگا۔
وقت اشاعت : 11/08/2020 - 15:22:35

متعلقہ عنوان :

Your Thoughts and Comments