Basant Rang Ke Pehnawe - Article No. 2540
بسنت رنگ کے پہناوے - تحریر نمبر 2540
سفید رنگ کو موسم بہار کا سب سے پیارا رنگ کہا جاتا ہے
ہفتہ 6 مارچ 2021
ہمارے ملک میں چاروں موسم بدل بدل کر آتے ہیں۔ہر موسم کا ہماری جلد کے ساتھ ساتھ ہمارے لباس پر بھی اثر ہوتا ہے۔اور اگر بات کی جائے موسم بہار کی تو اس موسم کی اور اس کے پہناووں کی بات ہی کچھ اور ہے،کیونکہ جب موسم بہار آتا ہے تو ہر شے پر نکھار سا آجاتا ہے اور ایسے میں آپ کے اردگرد موجود پیڑ پودوں اور پھولوں کی آب و تاب تو بڑھ ہی جاتی ہے لیکن اس کے ساتھ ساتھ فیشن انڈسٹری پر بھی گویا بہار آجاتی ہے۔دنیا بھر کے فیشن ہاؤسز موسم بہار کیلئے نت نئے اور فیشن کے دیگر لوازمات پیش کرتے ہیں،لہٰذا اس کے مطابق پہناووں کا بھی الگ ہی انداز ہوتا ہے۔
خوبصورت لباس انسان کی شخصیت نکھارنے میں اہم کردار ادا کرتا ہے۔اچھا لباس پہن کر انسان دوسروں کو ہی نہیں‘اپنے آپ کو بھی اچھا لگتا ہے۔
(جاری ہے)
خوبصورت لباس کا مطلب یہ نہیں ہے کہ وہ مہنگا اور قیمتی ہو،بلکہ سادہ اور اچھے رنگ کا کپڑا ہر کسی کی آنکھوں کو بھلا لگتا ہے۔
خواتین اپنے لباس کے حوالے سے مردوں کی نسبت زیادہ حساس ہوتی ہیں،لیکن ان میں بعض اس بات کی پرواہ نہیں کرتیں کہ لباس ان کے قد کاٹھ اور جلد کی رنگت کے مطابق ہے یا نہیں۔ایسے میں کپڑے ان پر ٹھیک طرح سے نہیں جچتے۔یہ کوئی مشکل کام نہیں اور تھوڑی سی سمجھ بوجھ کے ساتھ ایک بہترین لباس کو چنا جا سکتا ہے۔اب چونکہ موسم بھی کروٹ لے رہا ہے اور سردی اب بہار کے موسم میں بدلنے لگی ہے۔اگر آپ نے ابھی تک اپنی الماری سیٹ نہیں کی تو یہ بہترین موقع ہے کہ سردیوں کے کپڑے سنبھال کر بہار کے موسم کی تیاری کریں۔دراصل بہار کی ہر رت ہی نرالی ہے۔یہ موسم خوشگوار اور ہر دلعزیز تو ہے ہی ،اس میں ہر رنگ منفرد اور ہر لباس بھی من موہنا لگنے لگتا ہے۔جیسے بہار مزاج کو بدل دیتی ہے ایسے ہی موسم کی مناسبت سے فیشن میں ان ہونے والے دلفریب ملبوسات اپنی دلکشی کے باعث ایک منفرد حیثیت حاصل کر لیتے ہیں۔سردیوں میں روکھے پھیکے سویٹر اور شالوں سے دل بھر جانے کے بعد بہار کے خوش رنگ ملبوسات نگاہوں کی توجہ کا مرکز بن جاتے ہیں۔لیکن بہار کے آنے پر جذباتی نہ ہو جائیں بلکہ سوچ سمجھ کر اپنے پر بہار ملبوسات سے لگانے کی تیاری کریں۔اس کے لئے پہلے یہ جان لینا ضروری ہے کہ آج کل کس قسم کے ملبوسات پسند کیے جا رہے ہیں۔عام طور پر فیشن انڈسٹری میں آجکل طویل اور مختصر لمبائی والی فراکیں راج کرتی نظر آتی ہیں۔یہ فراکیں انگرکھا اسٹائل میں بھی ہیں،پشواز کے روایتی انداز میں بھی اور مغربی گاون ڈریس کی شکل میں بھی۔
جنہیں اپنی پسند کے مطابق اپنایا جا سکتا ہے اور ان پر اپنی مرضی کے ڈیزائن بنوا کر پرنٹڈ اور ایمبرائیڈڈ ملبوسات تیار کروائے جا سکتے ہیں۔ خیال رہے کہ نئے انداز کی ان فراکوں کو سلوانے میں عام قمیض سے زیادہ کپڑا درکار ہوتا ہے لہٰذا ملبوسات کی شاپنگ کرتے وقت اس بات کو مد نظر رکھیں اور فراک کے لئے کم از کم پانچ گز کپڑا ضرور خریدیں۔ویسے تو سب رنگ ہی خوبصورت اور دلکش ہوتے ہیں لیکن موسم بہار کے لئے کچھ رنگ مخصوص ہوتے ہیں۔اس موسم میں ہلکے رنگوں کا انتخاب بہترین ہے جن کے حامل کپڑے پہن کر آپ خود کو ہلکا پھلکا محسوس کریں گے۔ہلکے رنگ حرارت کو جذب کرنے کی بجائے منعکس کرکے واپس بھیجتے ہیں،جس سے جسم کو گرمی نہیں لگتی۔سفید رنگ کو موسم بہار کا سب سے پیارا رنگ کہا جاتا ہے۔اس کے علاوہ ہلکا گلابی اور آسمانی رنگ بھی شخصیت میں نکھار پیدا کرتا ہے۔کیا آپ نے کبھی غور کیا ہے کہ بعض رنگ پہن کر آپ خود کو ٹھنڈا اور بعض کو پہن کر آپ گرم محسوس کرتی ہیں؟ان سب باتوں کا تعلق رنگوں کی خصوصیات سے ہے۔
آج کل چونکہ شادی بیاہ کا سیزن چل رہا ہے لہٰذا مختلف ڈیزائنرز کی جانب سے عروسی ملبوسات کی خوبصورت اور جدید کولیکشن متعارف کروائی جا رہی ہے۔اس کے ساتھ ساتھ شادی بیاہ اور فیسٹیولز کے لئے لگژری پرنٹ کولیکشن بھی تقریبات کو چار چاند لگا رہی ہے۔وہ لوگ جو جدید ملبوسات اور فیشن کے دلدادہ ہیں اور ہر نئے فیشن سے باخبر رہنا چاہتے ہیں ان کے لئے یہ بات بہت اہمیت کی حامل ہوتی ہے کہ اس وقت فیشن میں کیا ان ہے اور مارکیٹ میں کیا دستیاب ہے۔لگژری پرنٹ کولیکشن عموماً شیفون،نیٹ،پیور سلک،ویلوٹ اور آرگنیزا پر مشتمل ہوتی ہے جسے ایمبیلشمنٹ اور ایمبرائیڈری مزید منفرد بنا دیتی ہے۔ڈیجیٹل پرنٹس ملبوسات کو مزید جاذب نظر بنا دیتے ہیں۔گوٹہ،زردوزی اور آری کا کام ملبوسات کو سجا دیتے ہیں۔اگر ورائٹی کی بات کی جائے تو لیلن،شارٹ کرتا،کاٹن،نیٹ،ڈیجیٹل پرنٹڈ پشواز،ٹشو جیکٹ،ساڑی ،لانگ شرٹ سائیڈ اوپن،کرنڈی کرتا،شارٹ فرنٹ اوپن جیکٹ،ویلوٹ شرٹ،بلاک پرنٹڈ لانگ کرتا اور دیگر اسٹائلز بازاروں کی رونق بنے ہوئے ہیں جن سے موسم کا رومان بھی جھلکتا ہے اور ڈیزائنر کا ذوق اور محنت بھی۔ایمبرائیڈری کے ساتھ ڈیزائنرز فلورل پرنٹس پر بھی فوکس کرتے نظر آتے ہیں۔
Browse More Clothing Tips for Women
گلابی رنگ کا انتخاب کریں
Gulabi Rang Ka Intekhab Karen
موسمِ سرما میں دیسی ملبوسات کے ٹرینڈز
Mausam E Sarma Mein Desi Malbosat Ke Trends
پشمینہ اور مخمل کی شال
Pashmina Aur Makhmal Ki Shawl
میکسی اور گاؤن
Maxi Aur Gown
فلورل فراک اور میکسی
Floral Frock Aur Maxi
پیلے رنگ کا انتخاب کریں
Peele Rang Ka Intikhab Karen
کالے رنگ کا سحر کبھی نہ ٹوٹ سکا
Kale Rang Ka Sehar Kabhi Na Toot Saka
سیاہ لباس کے ساتھ جوتوں اور جیولری کا بھی خیال رکھیں
Siyah Libas Ke Sath Jooton Aur Jewelry Ka Bhi Khayal Rakhain
تر و تازہ چہرہ اور دلکش ملبوسات
Tar O Taza Chehra Aur Dilkash Malbosat
سرخ قرمزی رنگ شاہانہ شخصیت کا آئینہ دار
Surkh Qarmazi Rang Shahana Shakhsiyat Ka Aaina Dar
دھنک رنگ پہناوے
Dhanak Rang Pehnawe
کُرتا اینڈ چُوڑی دار پاجامہ
Kurta And Churidar Pajama