Bache Ki Tarbiyat Aur Shakhsiyat Sazi Mein Maa Ka Kirdar - Article No. 3353

Bache Ki Tarbiyat Aur Shakhsiyat Sazi Mein Maa Ka Kirdar

بچے کی تربیت اور شخصیت سازی میں ماں کا کردار - تحریر نمبر 3353

بچے کو سچ بولنے، ایمانداری، عدل و انصاف اور ہمدردی جیسی صفات سکھانا ضروری ہے

بدھ 22 جنوری 2025

مہوش اکرام
عورت معاشرے کی بنیادی اکائی ہے اور اس کا کردار ہر انسان کی زندگی میں نہایت اہمیت کا حامل ہوتا ہے۔عورت نہ صرف ایک بیٹی، بیوی اور بہن کے کردار میں اپنی ذمہ داریاں نبھاتی ہے بلکہ ماں کے کردار میں اس کی حیثیت اور بھی زیادہ بڑھ جاتی ہے۔ماں کی گود کو بچے کی پہلی درسگاہ کہا جاتا ہے کیونکہ بچے کی ابتدائی تربیت اور شخصیت سازی میں ماں کا کردار سب سے زیادہ اہم ہوتا ہے۔
اسلامی تعلیمات اور معاشرتی اصولوں کے مطابق عورت کی ذمہ داری ہے کہ وہ اپنے بچوں کی بہترین تربیت کرے تاکہ وہ معاشرے میں اچھے انسان بن کر اپنا کردار ادا کر سکیں۔
بچے کی ابتدائی عمر (یعنی ایک سے (5 سال تک) وہ وقت ہوتا ہے جب بچے کی دماغی نشوونما انتہائی تیزی سے ہو رہی ہوتی ہے۔

(جاری ہے)

اس دورانیے میں ماں کا رویہ، بات چیت کا انداز اور معمولات بچے کی زندگی پر گہرا اثر ڈالتے ہیں۔

اس لئے ماں کو چاہئے کہ وہ بچوں کے ساتھ محبت اور شفقت کا برتاوٴ کرے، تاکہ بچے میں خود اعتمادی پیدا ہو اور وہ ایک پُرسکون ماحول میں نشوونما پا سکے۔
اخلاقیات کا درس دینا ماں کی اہم ذمہ داری ہے۔بچے کو سچ بولنے، ایمانداری، عدل و انصاف اور ہمدردی جیسی صفات سکھانا ضروری ہے۔ماں کو خود بھی ان اصولوں پر عمل کرنا چاہئے تاکہ بچہ عملی طور پر بھی انہیں اپنانے کی کوشش کرے۔
بچے اپنے بڑوں کی نقل کرتے ہیں، اس لئے ماں کو اپنے کردار اور عمل کا بھی خیال رکھنا چاہئے۔ماں کو اپنے بچوں میں مثبت سوچ اور خود اعتمادی پیدا کرنے کے لئے انہیں حوصلہ افزائی کرنی چاہئے۔ماں کو بچوں کو بتانا چاہئے کہ ناکامی سے گھبرانے کے بجائے اس سے سیکھنا چاہئے اور ہمیشہ اپنے مقاصد کے حصول کے لئے کوشش کرنی چاہئے۔ایک مضبوط اور بااعتماد بچہ ہی مستقبل میں کامیاب ہو سکتا ہے۔

آج کے مصروف دور میں عورت کو اپنے بچوں کے ساتھ وقت گزارنا ایک چیلنج بن گیا ہے، لیکن بچوں کی بہتر تربیت کیلئے ماں کو اپنے وقت کا بہتر انتظام کرنا ضروری ہے۔ماں کو چاہئے کہ وہ بچوں کے ساتھ معیاری وقت گزارے، ان کی باتیں سنے، ان کے مسائل کو سمجھے اور انہیں اچھے مشورے دے۔ماں کی تربیت کا نتیجہ بچے کی شخصیت اور اخلاق میں نظر آتا ہے۔ایک اچھا تربیت یافتہ بچہ نہ صرف اپنے خاندان بلکہ پورے معاشرے کے لئے ایک قیمتی اثاثہ ہوتا ہے۔اس لئے ماں کو اپنی ذمہ داریوں کا احساس کرتے ہوئے بچوں کی تربیت میں بھرپور کردار ادا کرنا چاہئے۔

Browse More Special Articles for Women

Special Special Articles for Women article for women, read "Bache Ki Tarbiyat Aur Shakhsiyat Sazi Mein Maa Ka Kirdar" and dozens of other articles for women in Urdu to change the way they live life. Read interesting tips & Suggestions in UrduPoint women section.