Chugli Na Khana Seekho - Article No. 2120
چغلی نہ کھاناسکھیو․․․․․ - تحریر نمبر 2120
یہ جنگل کی آگ کی طرح پھیل جاتی ہے
پیر 15 جولائی 2019
خواتین چغلی نہ کریں ،افواہیں نہ اُڑائیں تو کیا کریں۔کیونکہ وقت گزارنے کا یہ ایک بہترین مشغلہ ہے۔لیکن اب خبر آئی ہے کہ فلپائن کے ایک قصبے بائنا لونن کے مےئر نے افواہیں پھیلانے اورکھسر پھسر کرنے کو خلاف قانون قرار دے دیا ہے ۔لہٰذااب اس علاقے کی خواتین کو ہوشیار باش کردیا گیا ہے کہ اگر اب کسی نے افواہ اُڑائی تو اُسے کڑی سزا کا سامنا کرنا پڑے گا ،اور سڑک کی تین گھنٹے صفائی کرنی پڑے گی۔ویسے سوچنے کی بات ہے اگر یہی پابندی ہمارے پاکستان کے لاہور شہر پر لگادی جائے تو لاہورکی سڑکیں کیا گلیاں بھی صاف شفاف ہو جائیں اورگھروں سے لڑائیاں بھی ختم ہو جائیں گی۔ دراصل ہمارے اکثر گلی محلوں میں اکثر مردوں اور عورتوں کا کام ہی افواہیں پھیلانا ہوتا ہے اور ایسے لوگ اپنی فنکاری کی وجہ سے بہت مشہور ہوتے ہیں ۔
(جاری ہے)
لیکن عورتوں کو کیسے سمجھایا جائے کہ غیبت نہ کریں کیونکہ اُن کا خیال ہے کہ غیبت تو ایک دوسرے کو یاد رکھنے کا بہانہ ہے ۔کسی مشہور دانشور،فلسفی اور مفکر نے بھی ازراہ مذاق کہہ دیا ہے کہ،”سُن بے،اگرد نیا میں نام بنانا اور یاد رہنا ہے پیارے !تو لوگوں کے ساتھ اتنی بُری کر کہ کوئی تجھے بھول نہ پائے۔“موصوف خود اپنے ہی قول کی عملی تفسیر تھے ۔کبھی کسی سے قرض لے کرواپس نہیں کیا،سومتاثرین کے گھروں میں ہر روز ان کا نام لیا جاتا،مگر کچھ غیر انسانی ناموں کے ساتھ اور بڑے مقدس رشتوں اور نہایت ”نجس“افعال کو جوڑ کر۔
قصبے بائنا لونن کے باسیوں کے لیے ہماری تجویز ہے کہ وہ اب غیبت نہ کریں بلکہ ہر ایک کے”باہمی تعلقات “اور”مالی معاملات “کا تذکرہ یوں کریں کہ وہ کسی زاویے سے بھی غیبت نہ لگے۔اسی طرح کسی کے مالی معاملات یوں زیر بحث آسکتے ہیں ،”مسٹر ڈھما کے نے پچھلے دو سال میں جو زمینیں خریدیں اور مکان بنائے ہیں، اس سے لگتا ہے کہ یقینا ایک وقت ایسا آیا تھا کہ زمینیں اتنی سستی ہو گئی تھیں کہ بس ایک دن سگریٹ نہ پیو پیسے بچا کے زمین خرید لو،دوسروں کو اس ارزانی کی بھنک بھی نہ مل پائی،مسٹر ڈھماکے کی قسمت اچھی تھی جو انھوں نے دھڑا دھڑ زمینیں خرید لیں اور امیر ہو گئے۔۔۔ان کی ایمان داری پر کوئی شک۔۔۔۔۔بالکل نہیں۔“
اپنی سمجھدارخواتین کو افواہ کے بارے میں مزید بتاتے ہیں کہ افواہ کو جاننے کے لیے ضروری ہے کہ اس کی وجوہات ،اقسام اور اثرات پر نظر ڈالی جائے۔عام طور پر لوگوں کی آپس کی رنجش ،کشیدگی اور لڑائی جھگڑوں کی وجہ سے بھی افواہ جنم لیتی ہے۔یہ ایسے معاشرے میں خوب پھلتی پھولتی ہے جہاں جہالت کا دور دورہ ہوا ور خبروں کی تصدیق نہ کی جاتی ہو یا ایسے معاشرے کی جہاں اخبارات ،ریڈیو اور ٹی وی جیسی سہولیات موجود نہ ہو یا کم ہوں ۔خبروں کی تصدیق نہ کرنا افواہ کی بڑی وجہ بنتی ہے۔
افواہ کی تعریف کچھ یوں بھی کی جاسکتی ہے “باہمی گفتگو سے ایک خبر جنم لیتی ہے جو بنا تصدیق کے ایک شخص سے دوسرے تک منتقل ہوتی رہتی ہے ”۔افواہ میں کچھ عنصر سچ کا بھی ہو سکتا ہے لیکن یہ بھی ممکن ہے کہ یہ جھوٹ ہو اور خود سے گھڑی گئی ہو ۔افواہ جنگل کی آگ کی طرح پھیل جاتی ہے۔
افواہ عمومی طور پر نقصان کا باعث بنتی ہے ۔بنا تصدیق کے کسی بھی خبر کو پھیلانا کم عقلی کی نشانی ہے ۔بعض دفعہ یہ نا صرف ہمارے لیے بلکہ دوسروں کے لیے بھی پریشانی کا باعث بنتی ہے یہی وجہ ہے کہ فلپائن کے قصبے کے نئے قانون کے تحت افواہیں پھیلانے والے کو جرمانہ دینا ہو گا اور تین گھنٹے تک سڑک کی صفائی کرنی ہو گی۔اگر چہ افواہ کی تعریف نہیں بتائی گئی ہے ،تاہم قصبے کے مےئر رامون گائکو کا کہنا ہے کہ قصبے کے رہائشیوں کے باہمی تعلقات یا ان کے مالی معاملات کے حوالے سے غیبت کرنا یا افواہ پھیلانا قابل تعزیر جرم تصور کیاجائے گا۔
رہی بات افواہ کی تو بہ قول شاعر:
بس تِرے آنے کی اک افواہ کا ایسا اثر
کیسے کیسے لوگ تھے بیمار ،اچھے ہو گئے
یعنی داغوں کی طرح افواہیں بھی اچھی ہوتی ہیں ۔کم از کم یہ تو کہا جاسکتا ہے کہ افواہیں اچھی بھی ہوتی ہیں ،جیسے یہ افواہیں کہ نوکریاں برسنے والی ہیں،اربوں پیڑلگ گئے ہیں اور لاکھوں مکانات بننے کو ہیں۔ ان افواہوں کے پھیلنے اور پھلنے پھولنے سے لوگوں کی آس بندھی رہتی ہے ،آس کا بندھار ہنا ہی اچھا ہے ورنہ کھل گئی تو افواہ سے زیادہ خود پھیل جائے گی اور کٹ کھنے بیل کی طرح ٹکریں مار مار کر افواہیں پھیلانے والوں کا یوں حلیہ بگاڑے گی کہ وہ افواہ کے ساتھ ہاتھ پھیلانے کے قابل رہیں گے نہ گند پھیلانے کے۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan